मंगळवेढा टाईम्स न्युज नेटवर्क ।
आजचा दिवस हा अत्यंत खास आहे, कारण आज रक्षाबंधनचा सण आहे. पंचांगानुसार, हा सण श्रावण महिन्याच्या पौर्णिमेला साजरा केला जातो.रक्षाबंधन हा भाऊ-बहिणीच्या पवित्र नात्याची जाणीव करून देणारा आणि कुटुंबातील प्रेम तसेच एकता वाढवणारा सण आहे.
रक्षाबंधन हा सण भाऊ-बहिणीच्या प्रेम, विश्वास आणि आपुलकीचे प्रतीक असलेला हिंदू सण आहे. या दिवशी बहीण भावाच्या मनगटावर राखी बांधते आणि त्याच्या सुख, समृद्धी तसेच दीर्घायुष्यासाठी प्रार्थना करते.
वैदिक पंचांगानुसार, यावर्षी श्रावण महिन्याच्या पौर्णिमेला म्हणजेच रक्षाबंधनच्या दिवशी चंद्रग्रहण देखील होणार आहे. त्यामुळे 28 ऑगस्ट रोजी राखी बांधण्यासाठी शुभ वेळ, महत्त्व जाणून घ्या….
रक्षाबंधनासाठी शुभ वेळ कोणती आहे? ग्रहणाच्या वेळी राखी बांधावी का?
हिंदू धर्मातील प्रमुख सणांपैकी एक असलेला रक्षाबंधन हा सण आज, 28 ऑगस्ट रोजी मोठ्या थाटामाटात साजरा केला जाईल. भाऊ-बहिणींमधील प्रेम, आदर आणि संरक्षणाचे प्रतीक असलेल्या या सणाच्या दिवशी बहिणी आपल्या भावांच्या मनगटावर राखी बांधतात.
आपल्या भावांचे आयुष्य सुखी आणि यशस्वी राहावे या इच्छेने बहिणी राखी बांधतात. यावर्षी रक्षाबंधनासाठी शुभ वेळ कोणती आहे? ग्रहणाच्या वेळी राखी बांधावी का? राखी बांधण्याची योग्य वेळ कोणती आहे? जाणून घ्या….
रक्षाबंधन – राखी बांधण्याचे शुभ मुहूर्त
सर्वोत्तम वेळ: सकाळी 5:57 ते 9:48 पर्यंत
दुसरी शुभ वेळ: सकाळी 7:33 ते 9:10 पर्यंत
तिसरी शुभ वेळ: सकाळी 9:10 ते 10:46 पर्यंत
अभिजीत मुहूर्त: दुपारी 12:14 ते 1:05 पर्यंत
गोधुली मुहूर्त: सायंकाळी 6:57 ते 7:19 पर्यंत
राखी बांधण्याची पद्धत
रक्षाबंधनाच्या दिवशी, सर्वप्रथम भाऊ आणि बहीण स्वच्छ कपडे घालून देवासमोर बसावे.
भावाला पूर्व किंवा उत्तर दिशेला तोंड करून बसवावे.
बहिणीने भावाच्या कपाळावर कुंकू आणि अक्षता लावाव्यात.
भावाच्या उजव्या हाताच्या मनगटावर राखी बांधावी.
राखी बांधताना भावाच्या सुख, आरोग्य आणि दीर्घायुष्यासाठी प्रार्थना करावी. त्यानंतर भावाला औक्षण करून आरती करावी.
भावाने बहिणीला प्रेमाने ओवाळणी-भेटवस्तू देऊन तिचे सदैव रक्षण करण्याचे वचन द्यावे.
शेवटी दोघांनीही एकमेकांना मिठाई भरवून रक्षाबंधनाचा आनंद साजरा करावा.
चंद्रग्रहणाची वेळ आणि त्याचे परिणाम?
वैदिक पंचांगानुसार, या वर्षी, शुक्रवार, 28 ऑगस्ट 2026 रोजी चंद्रग्रहण होत आहे. त्यामुळे, ग्रहणाच्या वेळी रक्षाबंधन साजरे करावे की नाही याबद्दल लोकांमध्ये संभ्रम आहे. लक्षात घ्या की चंद्रग्रहण सकाळी 6:53 वाजता सुरू होईल आणि दुपारी 12:31 पर्यंत चालेल.
हे या वर्षातील दुसरे आणि शेवटचे चंद्रग्रहण आहे, जे खंडग्रास असेल. शिवाय, हे ग्रहण भारतातून दिसणार नाही. त्यामुळे, येथे सुतकाचे नियम लागू होणार नाहीत. अशा परिस्थितीत, ग्रहणाचा रक्षाबंधन सणावर कोणताही परिणाम होणार नाही.
राहुकाळाची वेळ
वैदिक पंचांगानुसार, रक्षाबंधनाच्या दिवशी, राहुकाळ सकाळी 10:31 वाजता सुरू होईल आणि दुपारी 12:07 पर्यंत चालेल. या काळात राखी बांधणे टाळण्याचा सल्ला दिला जातो..
(टीप : वरील सर्व बाबी मंगळवेढा टाईम्स केवळ माहिती म्हणून वाचक-प्रेक्षकांपर्यंत पोहोचवत आहे. यातून मंगळवेढा टाईम्स न्युज कोणताही दावा करत नाही.)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
