मंगळवेढा टाईम्स न्युज नेटवर्किंग ।
‘सराफ दुकानात पूर्ण भागीदारी दे. नाहीतर तुला बघून घेते’, असे म्हणत सोबत आणलेल्या एका व्यक्तीसह बहिणीने सराफ व्यापारी असलेल्या भावाला शिवीगाळ करीत धमकी दिली.
रविवारी रात्री राज ज्वेलर्ससमोर येऊन तिने धिंगाणा घातला. त्यानंतर भयभीत झालेले व्यापारी संतोष रामचंद्र बाबर यांनी पंढरपूर शहर पोलिस ठाणे गाठत आपली फिर्याद नोंदवली. पोलिसांनी बहिणीसह दोघांवर गुन्हा दाखल केला आहे.
शहरातील प्रमुख भागात राज ज्वेलर्स हे सोने-चांदीचे दुकान असून, त्यात संतोष रामचंद्र बाबर व त्यांची बहीण अर्चना आप्पासाहेब जरे (दोघे राहणार पंढरपूर) यांच्यात भागीदारी आहे.
सराफ दुकानातील भागीदारी विनामोबदला पूर्ण भागीदारीची मागणी बहीण अर्चना आप्पासो जरे ही करीत होती.
रविवारी रात्री पावणेनऊ वाजता बहिणीने सागर अनंता माने याला सोबत घेतले. दोघे संतोष रामचंद्र बाबर यांच्याकडे आले. सावरकर चौकातील राज ज्वेलर्ससमोर दोघांनी गोंधळ घालायला सुरुवात केली
संतोष यांना दोघांनी शिवीगाळ करण्यास सुरुवात केली. ‘मला तुझ्या दुकानात पूर्ण भागीदारी पाहिजे’ यावर तिने भावाकडे हट्ट धरला. तिने भावाला बघून घेण्याची भाषाही वापरली.
जिवाच्या भीतीपोटी फिर्याद
दरम्यान, भयभीत झालेले संतोष रामचंद्र बाबर यांनी आपल्या जिवाला बरे वाईट होईल, या भीतीने तसेच हे लोक कोणत्याही थराला जाऊ शकतात हा विचार करून शहर पोलिस ठाणे गाठले व त्या ठिकाणी फिर्याद दाखल केली. आरोपीविरुद्ध बीएनएस कलम ३५२,३५१ (२) ३ (५) प्रमाणे शहर पोलिस ठाण्यात गुन्हा दाखल करण्यात आला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
