​पोलीस ठाण्याच्या मैदानात रंगला थरार; मंगळवेढा व्हॉलीबॉल स्पर्धेत ‘हे’ संघ ठरले मानकरी; पोलीस-जनता सलोख्यासाठी रंगले सामने

टीम ​मंगळवेढा टाईम्स (विशेष प्रतिनिधी)

पोलीस आणि जनतेमध्ये सलोख्याचे संबंध प्रस्थापित व्हावेत आणि नागरिकांमध्ये पोलीसांविषयी विश्वासाचे वातावरण निर्माण व्हावे, या उद्देशाने मंगळवेढा पोलीस ठाण्याच्या वतीने आयोजित करण्यात आलेली भव्य व्हॉलीबॉल स्पर्धा अत्यंत उत्साहात संपन्न झाली.

या चुरशीच्या स्पर्धेत ‘सोलापूर ग्रामीण पोलीस’ संघाने प्रथम क्रमांक पटकावून विजेतेपदावर आपले नाव कोरले.

​मंगळवेढा पोलीसांच्या वतीने अशा प्रकारच्या भव्य क्रीडा स्पर्धेचे हे पहिलेच आयोजन होते. या स्पर्धेला सोलापूर जिल्ह्यातून उत्स्फूर्त प्रतिसाद मिळाला असून, जिल्ह्यातील तब्बल ३० नामांकित संघांनी यात आपला सहभाग नोंदवला होता.

​असे राहिले स्पर्धेचे विजेते:

​शनिवार, दि. ४ रोजी सायंकाळी मंगळवेढा पोलीस ठाण्याचे पोलीस निरीक्षक दत्तात्रय बोरीगिड्डे यांच्या हस्ते स्पर्धेचे शानदार उद्घाटन करण्यात आले. रात्रभर रंगलेल्या या थरारक सामन्यांनंतर अंतिम

निकाल खालीलप्रमाणे राहिले:
प्रथम क्रमांक: सोलापूर ग्रामीण पोलीस संघ
द्वितीय क्रमांक: शिवप्रतिष्ठान स्पोर्ट्स, मंगळवेढा
तृतीय क्रमांक: दिल से स्पोर्ट्स, मंगळवेढा
चतुर्थ क्रमांक: अक्कलकोट पोलीस उपविभाग

​वरिष्ठांचे लाभले मार्गदर्शन:

​सदर स्पर्धा सोलापूरचे पोलीस अधीक्षक अतुल कुलकर्णी, अप्पर पोलीस अधीक्षक कबाडे, तसेच मंगळवेढ्याचे डी.वाय.एस.पी. बसवराज शिवपुजे यांच्या विशेष मार्गदर्शनाखाली आयोजित करण्यात आली होती. सामने संपल्यानंतर पहाटेच्या सत्रात विजयी संघांना मान्यवरांच्या हस्ते भव्य बक्षिसे वितरित करण्यात आली.

​पोलीस कर्मचाऱ्यांचे अथक परिश्रम:

​या पहिल्यावहिल्या आणि भव्य स्पर्धेच्या यशस्वी आयोजनासाठी सहाय्यक पोलीस निरीक्षक ढेरे, विनोद लातूरकर, पोलीस उपनिरीक्षक विजय पिसे, नागेश बनकर, गोपनीय विभागाचे दिगंबर गेजगे, पोलीस हवालदार मनोज खंडागळे, विनायक जाधव, हाके, गंगणे, हजारे

यांच्यासह मंगळवेढा पोलीस ठाण्याच्या सर्वच पोलीस अंमलदार आणि कर्मचाऱ्यांनी अहोरात्र परिश्रम घेतले. खेळाडूंच्या शिस्तबद्ध खेळाने आणि मंगळवेढेकरांच्या उदंड प्रतिसादाने ही स्पर्धा जिल्ह्यात चर्चेचा विषय ठरली आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज