सरपंच निवड जनतेतून तर ग्रामपंचायत सदस्यांचे काय महत्त्व? ‘हम करे सो कायदा’ म्हणत मनमानी कारभार; प्रहार संघटनेचे राकेश पाटील यांचा थेट सरकारला सवाल

टीम ​मंगळवेढा टाईम्स ।

शासनाने पुन्हा एकदा थेट जनतेतून सरपंच निवड करण्याचा निर्णय घेतला खरा, पण मग ग्रामपंचायत सदस्यांचे महत्त्व काय?” असा रोकडा सवाल डोणज येथील प्रहार जनशक्ती संघटनेचे मंगळवेढा तालुकाध्यक्ष राकेश पाटील यांनी उपस्थित केला आहे.

थेट सरपंच निवडीमुळे गावांमध्ये विकासाऐवजी वाद वाढत असून, सदस्यांच्या अधिकारांवर गदा येत असल्याचा आरोप त्यांनी केला आहे.

​’सरपंच एका गटाचा, सदस्य दुसऱ्या गटाचे‘; विकासाचा खोळंबा

​यापूर्वी जेव्हा थेट जनतेतून सरपंच निवड झाली, तेव्हा तालुक्यातील बहुतांश गावांमध्ये सरपंच एका गटाचा आणि सदस्य दुसऱ्या गटाचे निवडून आले.

परिणामी, दोन गटांतील सततच्या वादांमुळे अनेक गावांचा विकास पूर्णपणे खुंटला गेल्याचे पाहायला मिळाले, असे राकेश पाटील यांनी निदर्शनास आणून दिले.

​सदस्यांना दुय्यम वागणूक; ‘मलिदा’ लाटण्याचे प्रकार

​थेट जनतेतून निवडून आल्याचा दिमाख करत अनेक सरपंचांनी मनमानीपणे गावचा कारभार केला. निर्णय प्रक्रियेत सदस्यांना विश्वासात न घेणे, ‘हम करे सो कायदा’ अशी भूमिका घेणे आणि ग्रामसेवकाला हाताशी धरून विकासकामांच्या नावाखाली स्वतःच गुत्तेदारी करून मलिदा लाटण्याचे प्रकार घडले आहेत. यामुळे निवडून आलेल्या सदस्यांमध्ये मोठी उदासीनता पसरली आहे.

​जर नगरसेवकांप्रमाणे ग्रामपंचायत सदस्यांना त्यांच्या वार्डात विकासकामांसाठी स्वतंत्र निधीची तरतूद करून दिली नाही, तर भविष्यात सदस्य पदासाठी निवडणूक लढवायला कोणी तयार होणार नाही— राकेश पाटील (तालुकाध्यक्ष, प्रहार संघटना, मंगळवेढा)

​आमदार समाधान आवताडे आणि बच्चू कडू यांच्याशी चर्चा करणार

​या गंभीर समस्येवर तोडगा काढण्यासाठी मंगळवेढा तालुक्यातील प्रहार संघटनेच्या सर्व पदाधिकाऱ्यांना सोबत घेऊन पंढरपूर-मंगळवेढा मतदारसंघाचे आमदार समाधान आवताडे आणि प्रहार संघटनेचे संस्थापक-अध्यक्ष माजी मंत्री आमदार बच्चू कडू यांच्याशी मुंबईत सविस्तर चर्चा करणार असल्याचे राकेश पाटील यांनी सांगितले.

शासनाने या निर्णयाचा पुनर्विचार करून सदस्यांच्या अधिकारात वाढ करावी आणि वार्ड विकासासाठी स्वतंत्र निधी द्यावा, अशी आग्रही मागणी त्यांनी केली आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज