संतापजनक! लेकराच्या दोन्ही किडन्या निकामी झाल्या…” NEET विद्यार्थ्याच्या वडिलांचा आक्रोश; सिस्टिमवर संताप

मंगळवेढा टाईम्स न्युज नेट्वर्किंग ।

लातूरमध्ये विश्वजीत तेलंगे या विद्यार्थ्याने डॉक्टर होण्याचं स्वप्न पूर्ण करण्यासाठी गेल्या चार वर्षांपासून कठोर मेहनत घेतली. अभ्यासासाठी वेळ मिळावा म्हणून तो कमी पाणी पिणे, अपुरी झोप आणि सतत अभ्यास अशा तणावात राहिला.

मात्र या सवयींमुळे त्याच्या दोन्ही किडन्या निकामी झाल्या. मागील एका वर्षापासून तो डायलिसिसवर होता आणि नंतर त्याच्यावर किडनी प्रत्यारोपणाची शस्त्रक्रिया करण्यात आली. विशेष म्हणजे त्याच्या आजीने स्वतःची किडनी देत त्याला नवजीवन दिलं.

शस्त्रक्रियेनंतरही खचून न जाता विश्वजीतने पुन्हा अभ्यास सुरू केला आणि ३ मे रोजी चौथ्यांदा NEET परीक्षा दिली. मात्र देशभरात पेपरफुटीचा मुद्दा समोर आल्यानंतर ही परीक्षा पुन्हा २१ जून रोजी होणार असल्याने तो पुन्हा तयारीला लागला आहे.

मागील एक वर्षापासून विश्वजीत डायलिसिसवर होता. परिस्थिती गंभीर झाल्यानंतर त्याच्यावर किडनी ट्रान्सप्लांटची शस्त्रक्रिया करण्यात आली. विशेष म्हणजे, त्याच्या आजीने स्वतःची किडनी देत नातवाला नवजीवन दिलं.मोठ्या शस्त्रक्रियेनंतरही विश्वजीत खचला नाही.

जिद्द आणि आत्मविश्वासाच्या जोरावर त्याने ३ मे रोजी चौथ्यांदा NEET परीक्षा दिली. मात्र त्यानंतर देशभरात NEET पेपरफुटी प्रकरण समोर आलं आणि आता ही परीक्षा पुन्हा २१ जून रोजी होणार आहे.

त्यामुळे पुन्हा एकदा विश्वजीत अभ्यासाला लागला असून, “किती वेळा पेपर फुटू द्या… मी पुन्हा परीक्षा देणार,” असा निर्धार तो व्यक्त करत आहे.एका बाजूला पेपरफुटीमुळे विद्यार्थ्यांच्या मेहनतीवर प्रश्नचिन्ह निर्माण होत असताना,

दुसऱ्या बाजूला विश्वजीतसारखा विद्यार्थी स्वतःचं आयुष्य पणाला लावून डॉक्टर होण्याचं स्वप्न जिवंत ठेवण्यासाठी झुंज देताना दिसत आहे. विश्वजीतची ही कहाणी आज अनेकांना प्रेरणा देणारी ठरत आहे.

विश्वजित तेलंगे याची पहिली प्रतिक्रिया

करणारे करतच राहणार आपण फक्त भोगायचंच काम करत राहिलं आहे, यामध्ये आपल्या हातात फक्त कष्ट करणं आहे. ज्याच्याकडे पावर आहे पैसा आहे ते निघून जातील पुढे. माझं एवढंच म्हणणं आहे मी जे ध्येय ठरवलं आहे ते पूर्ण करणार आहे.

काहीही होऊदे पेपर फोडून अन्यथा आणखी काहीही होऊदे मी माझं ध्येय गाठणार. बारावी धरून मी चार वर्षांपासून नीटचे पेपर देतोय, तीनदा फुटला पेपर, रिपीटमध्ये, सेकंड रिपीटमध्ये तिसरं आजारात गेलं आणि आता आताचा पेपर पुन्हा फुटला.

२१ तारखेला जो पेपर देणार त्याचीही काय गॅरेंटी तो पेपर फेअर होईल की पुन्हा फुटेल. मला असलेल्या आजारात जास्त वेळ काम करू शकत नाही बसू शकत नाही. एक प्रकारे अपंगत्वात मोजले जावेत, ज्यांना लाइफलाँग आजार आहेत त्यांना सरकारने काहीतरी सुविधा, कॉलेजमध्ये सीट द्यावी ही माझी मागणी आहे.

मुलाच्या वडिलांची प्रतिक्रिया

सगळी सिस्टिम बोगस आहे. गरीबानं गरीबच राहावं, मोठ्यानं मोठं होत जावं, हे रुढी परंपरेनं चालत आलेलं आहे आणि चालनाच आहे. आमच्या सारख्या गरीबाच्या लेकरांनी अभ्यास अभ्यास करणे आणि मरणाला आमंत्रण गोळा करणे. काही जण वेड्यासारखं वागू लागले आहेत.

आज माझ्या लेकराचं नुकसान तर तुम्ही कुणीच भरून काढू शकत नाही. सरकारसुद्धा नाही तुमच्या एका चुकीमुळे मुलाचं मोठं नुकसान झालं आहे. जे कधीही भरून निघणार नाही.

मुलगा जिद्दीला पेटला त्याने पाण्याकडेही दुर्लक्ष केलं. १४ तास एकाच जागी बसून अभ्यास करायचा, त्याची खुर्ची झिजली. आज त्याची किडनी रिकामी झाली. फक्त अभ्यास मार्क मिळवण्यासाठी फक्त अभ्यासाचा ध्यास होता. मेंडली आणि शारीरिक दोन्ही ताण आला. ते पेपर फोडूदे मी देतच राहणार ही त्याने मनाशी जिद्द बांधली आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज