टीम मंगळवेढा टाईम्स।
पंचायत समितीचे माजी सभापती कै. दत्ताजीराव भाकरे यांच्या २७ व्या पुण्यस्मरण दिनानिमित्त आज मंगळवार, दि.२४ मार्च २०२६ रोजी सकाळी ११ वाजता जि.प. प्राथमिक शाळा आंधळगाव येथे भव्य मोफत आरोग्य शिबिराचे आयोजन करण्यात आले आहे.
हे शिबिर डेक्कन हॉस्पिटल कोल्हापूर आणि दत्तू मल्टीस्पेशलिटी हॉस्पिटल मंगळवेढा यांच्या संयुक्त विद्यमाने आयोजित करण्यात आले असून, यामध्ये नागरिकांना विविध आजारांवर मोफत तपासणी व तज्ज्ञ डॉक्टरांचे मार्गदर्शन दिले जाणार आहे.
या शिबिरात ऑर्थोपेडिक विभागांतर्गत ऑस्टिओपोरोसिस (हाडांची ठिसूळता), गुडघ्याचा संधिवात, पाठदुखी व कंबरदुखी यांची तपासणी केली जाणार आहे.
तसेच मेडिसिन विभागात संतुलित आहार, व्यायामाचे महत्त्व, ब्लड प्रेशर प्रतिबंधात्मक उपाय, हृदयविकाराचा झटका व मेंदूच्या लकव्याबाबत मार्गदर्शन केले जाणार आहे.
शिबिरात मोफत आर्थोपेडिक तपासणी, हाडे व सांधे परीक्षण, पोर्टेबल एक्स-रे सुविधा (उपलब्धतेनुसार), बीपी, शुगर, ईसीजी व बीएमआय तपासणी अशा विविध सुविधा उपलब्ध असतील. सर्व आजारांवर योग्य वैद्यकीय सल्लाही दिला जाणार आहे.
या शिबिरासाठी डॉ. अमोल चव्हाण, डॉ. विजय दत्तू, डॉ. उदयसिंह दत्तू आणि डॉ. अभिषेक भाकरे हे तज्ज्ञ डॉक्टर उपस्थित राहणार आहेत.
या उपक्रमामुळे ग्रामीण भागातील नागरिकांना दर्जेदार आरोग्यसेवा त्यांच्या गावातच उपलब्ध होणार असून, वेळ आणि खर्चाची बचत होणार आहे.
विशेषतः ज्येष्ठ नागरिक, महिलां व कामगार वर्गासाठी हे शिबिर अत्यंत उपयुक्त ठरणार आहे. आरोग्याबाबत जागरूकता वाढविणे आणि आजारांचे लवकर निदान करणे हा या शिबिराचा मुख्य उद्देश आहे.
नागरिकांनी या मोफत आरोग्य शिबिराचा लाभघेऊन आपल्या आरोग्याची तपासणी करून घ्यावी, असे आवाहन कै. दत्ताजीराव भाकरे कला व क्रीडा सांस्कृतिक मंडळाचे अध्यक्ष दिनकर भाकरे यांनी केले आहे.
तपासा आरोग्य, जपा आयुष्य!
आंधळगाव आणि परिसरातील सर्व नागरिकांनी या मोफत शिबिरासाठी उपस्थित राहून आपल्या आरोग्याची खात्री करून घ्यावी, असे आवाहन आयोजकांतर्फे करण्यात आले आहे
ग्रामीण भागातील नागरिक, कष्टकरी महिला आणि ज्येष्ठ नागरिकांच्या आरोग्याची काळजी घेणे हाच कै. दत्ताजीराव भाकरे यांना खरा आदरांजली ठरेल. नागरिकांनी या सुवर्णसंधीचा लाभ घ्यावा.- दिनकर भाकरे, अध्यक्ष, कै. दत्ताजीराव भाकरे कला व क्रीडा सांस्कृतिक मंडळ.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
