टीम मंगळवेढा टाईम्स :
‘सहकारातून समृद्धी आणि समृद्धीतून पर्यावरण रक्षण’ हा उदात्त विचार डोळ्यासमोर ठेवून श्री वैभवलक्ष्मी महिला ग्रामीण बिगरशेती सहकारी पतसंस्था मर्या., मंगळवेढा यांनी आपल्या तिसऱ्या वर्धापनदिनाचे औचित्य साधून समाजासमोर एक नवा आदर्श ठेवला आहे.
केवळ सोहळा साजरा न करता, संजीवनी फाऊंडेशनला वृक्षांचे वाटप करून संस्थेने ‘एक हरित संदेश’ दिला असून पर्यावरणाप्रती आपली कटिबद्धता सिद्ध केली आहे.
मान्यवरांची मांदियाळी आणि शुभेच्छांचा वर्षाव
या मंगलप्रसंगी विविध क्षेत्रातील मान्यवरांनी उपस्थित राहून संस्थेच्या कार्याचे कौतुक केले. यामध्ये: दीपाली आनंद ताड (सभापती, पंचायत समिती), सुनंदा (आबी) आवताडे (नगराध्यक्षा), करुणा शिवशरण (जिल्हा परिषद सदस्या), डॉ.अशोक सुरवसे (चेअरमन, राजमाता अर्बन बँक),
सोमनाथजी आवताडे (नगरसेवक), निलाताई आटकळे (चेअरमन, यशोदा पतसंस्था), डॉ.नंदकुमार शिंदे (अध्यक्ष असोसिएशन), पांडुरंग भाकरे, हिम्मतराव भाकरे, डॉ.संतोष लेंडवे (सरपंच)
भाऊ डोंगरे (चेअरमन, महाकिसान अर्बन), शहाजीराव लेंडवे सर (संचालक), जनार्दन शिवशरण (उद्योजक) यांसह अनेक सभासद आणि हितचिंतकांनी बँकेला उत्स्फूर्त शुभेच्छा दिल्या.
’झाडे लावा, झाडे जगवा’ हाच खरा विकास
संस्थेचे संस्थापक अध्यक्ष वैभव लेंडवे व संचालक मंडळाच्या दूरदृष्टीमुळे या संस्थेने अत्यंत कमी कालावधीत आर्थिक क्षेत्रात मोठी भरारी घेतली आहे.
वर्धापनदिनाचे औचित्य साधून संजीवनी फाऊंडेशनला झाडे देऊन करण्यात आलेला हा उपक्रम केवळ कार्यक्रम नसून, निसर्ग संवर्धनाची एक चळवळ असल्याची भावना उपस्थितांनी व्यक्त केली.
“झाडे लावा, झाडे जगवा – हाच खरा विकासाचा मार्ग” हा संदेश आजच्या या उपक्रमातून घराघरात पोहोचला आहे.
बँकेची प्रगतीपथावर वाटचाल:
पारदर्शक कारभार, महिला सक्षमीकरणावर भर आणि सभासदांचा विश्वास यांच्या जोरावर श्री वैभवलक्ष्मी महिला पतसंस्था आज मंगळवेढा परिसरात अग्रगण्य नाव बनली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
