मंगळवेढा टाईम्स न्युज नेटवर्किंग ।
सोलापूर येथील शासकीय रुग्णालयाच्या प्रसूती विभागात मुलाला जन्म दिल्यानंतर त्याला रुग्णालयातच सोडून आई-वडील पळून गेल्याची धक्कादायक घटना समोर आली आहे.
हा प्रकार २१ फेब्रुवारी रोजी घडला असून या प्रकरणी १३ मार्च रोजी सदर बझार पोलिस ठाण्यात आई-वडिलांविरुद्ध गुन्हा दाखल करण्यात आला आहे.
दुर्गा नागेश राऊळे आणि नागेश राऊळे (रा. हुमनाबाद, जि. बिदर) अशी गुन्हा दाखल झालेल्या आई-वडिलांची नावे आहेत.
अधिक माहितीनुसार, दुर्गा राऊळे ही महिला गरोदर असल्याने प्रसूतीसाठी शासकीय रुग्णालयात दाखल झाली होती. २० फेब्रुवारी २०२६ रोजी तिने मुलाला जन्म दिला. त्यावेळी तिच्यासोबत पती नागेश राऊळेही उपस्थित होता.
मात्र दुसऱ्या दिवशी कोणतीही माहिती न देता या दाम्पत्याने नवजात बाळाला रुग्णालयात असुरक्षित अवस्थेत सोडून पलायन केले.
काही वेळ बाळ एकटेच होते. नंतर ते रडू लागल्याने तेथील कर्मचाऱ्यांच्या लक्षात हा प्रकार आला. कर्मचाऱ्यांनी दोघांचा परिसरात शोध घेतला; मात्र ते कुठेही आढळून आले नाहीत.
या घटनेची माहिती मिळाल्यानंतर प्रसूतीशास्त्र विभागातील डॉ. स्वाती भोसले यांनी सदर बझार पोलिस ठाण्यात फिर्याद दिली. त्यानुसार दोघांविरुद्ध गुन्हा दाखल करण्यात आला असून या प्रकरणाचा पुढील तपास हवालदार राहुल मनोहर करीत आहेत.
कागदपत्रांची तपासणी नाही
रुग्णालयात दाखल होताना कर्मचाऱ्यांनी संबंधितांकडे आधार कार्ड व रेशन कार्डची मागणी केली होती. मात्र त्यांनी ती कागदपत्रे नसल्याचे सांगितले.
महिलेची प्रसूती तातडीची असल्याने कर्मचाऱ्यांनी औपचारिकता न करता तिला दाखल करून घेतले. प्रसूतीनंतर मात्र महिला व तिचा पती बाळाला सोडून पळून गेले.
आई-वडिलांचा शोध सुरू
बाळाचे आई-वडील भटकंती करणारे असल्याचे प्रथमदर्शनी दिसते. नवजात बाळाला संगोपनासाठी पंढरपूर येथे पाठवण्यात आले असून दोघांचा शोध सुरू आहे.-नामदेव बंडगर, पोलिस निरीक्षक, सदर बझार पोलिस ठाणे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
