मंगळवेढेकर सावधान! घरगुती गॅस सिलेंडर वापरताना ‘ही’ चूक पडेल महागात; व्यावसायिक वापर आढळल्यास थेट गुन्हे दाखल होणार

टीम मंगळवेढा टाईम्स ।

घरगुती गॅसचा अवैध वापर रोखण्यासाठी प्रशासनाने कठोर पावले उचलण्यास सुरुवात केली असून, व्यावसायिक ठिकाणी घरगुती गॅस सिलिंडर वापरताना आढळल्यास जप्ती करून संबंधितांवर कायदेशीर गुन्हे दाखल करण्यात येणार असल्याचा इशारा तहसीलदार मदन जाधव यांनी दिला आहे.

अन्न, नागरी पुरवठा व ग्राहक संरक्षण विभागाच्या शासन निर्णयानुसार घरगुती गॅसचा अवैध वापर रोखण्यासाठी राज्यातील गॅस एजन्सींच्या तपासणीचे अहवाल शासनास सादर करण्याचे निर्देश देण्यात आले आहेत.

जिल्हा पुरवठा अधिकारी यांच्या पत्रानुसार तसेच जिल्हाधिकारी सोलापूर यांच्या अध्यक्षतेखाली झालेल्या आढावा बैठकीत

जागतिक युद्धजन्य परिस्थितीमुळे इंधन तुटवड्याची शक्यता नाकारता येत नसल्याचे नमूद करण्यात आले.

त्यामुळे गॅस इंधनाचे दर वाढणे व घरगुती गॅसचा अवैध वापर वाढण्याची शक्यता लक्षात घेऊन प्रशासन सतर्क झाले आहे.

मंगळवेढा तालुक्यात सध्या चार गॅस एजन्सी कार्यरत असून, त्यांच्याकडून मोठ्या प्रमाणात गॅसचे वितरण केले जाते.

मंगळवेढा येथील शांतीसागर इंडेन गॅस एजन्सीकडे १९ हजार ५०० घरगुती व ५ हजार ५०० व्यावसायिक सिलिंडर आहेत.

हुलजंती येथील कुलकर्णी भारत गॅस एजन्सीकडे दोन हजार ३३९ घरगुती व ५३ व्यावसायिक सिलिंडर आहेत. ब्रह्मपुरी येथील शिवकृपा गॅस एजन्सीकडे ९ हजार ७५३ घरगुती व ८९ व्यावसायिक सिलिंडर असून,

लक्ष्मी दहिवडी येथील सिद्धे इंडेन गॅस एजन्सीकडे २ हजार ५४० घरगुती व १४ व्यावसायिक सिलेंडर आहेत. तालुक्यात एकूण ३४ हजार १३२ घरगुती व ५ हजार ६५६ व्यावसायिक सिलिंडरचे वितरण होत आहे.

वापर आढळल्यास जप्ती करून कारवाई केली जाईल

“घरगुती गॅसचा व्यावसायिक वापर हा कायद्याने गुन्हा आहे. सर्व व्यावसायिकांनी शासनाच्या नियमांचे पालन करून कमर्शिअल गॅस कनेक्शनच वापरावे. तपासणीदरम्यान अवैध संबंधितांवर गुन्हा दाखल केला वापर आढळल्यास जप्ती करून कारवाई केली जाईल.”- मदन जाधव, तहसीलदार, मंगळवेढा

सिलिंडर जप्त करण्याचा इशारा

मंगळवेढा शहरातील हॉटेल, उपहारगृहे, चहा कॅन्टीन व इतर व्यावसायिक आस्थापनांनी शासन निर्णयानुसार केवळ व्यावसायिक (कमर्शिअल) गॅस कनेक्शनचा वापर करणे बंधनकारक आहे. तपासणीदरम्यान घरगुती गॅसचा व्यावसायिक वापर आढळल्यास संबंधित सिलिंडर जप्त करून कडक कारवाई करण्यात येणार असल्याचे प्रशासनाने स्पष्ट केले आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज