​शिष्यवृत्ती परीक्षेलाही ‘कॉपी’चा विळखा! सोलापूर जिल्ह्यात उत्तरांची खिरापत; विद्यार्थ्यांच्या भविष्याशी खेळणाऱ्यांवर कारवाई करा

मंगळवेढा टाईम्स न्युज ।

सोलापूर जिल्ह्यातील दक्षिण सोलापूर तालुक्यातील कुंभारी येथील गेनसिद्ध शिक्षण प्रसारक मंडळ संचालित हायस्कूलमध्ये रविवारी दुपारी २ ते ३:३० च्या वेळेत

इयत्ता ५ वीच्या शिष्यवृत्ती परीक्षेदरम्यान उघडपणे कॉपी पुरवल्याचा व्हिडीओ व्हायरल झाला असून, परीक्षा सुरू असताना शाळेतील शिपाई आणि काही शिक्षक वर्गात शिरून आपापल्या ओळखीच्या विद्यार्थ्यांना उत्तरे पुरवत असल्याचा गंभीर आरोप करण्यात आला आहे.

दरम्यान, केंद्र संचालक सूर्यकांत माने यांनी शिक्षणाधिकाऱ्यांना पाठविलेल्या खुलाशात कॉपीसारखा कोणताही अनुचित प्रकार घडला नसल्याचे सांगितले.

या केंद्रावर परीक्षा देण्यासाठी आलेल्या इतर शाळांतील विद्यार्थ्यांनी हा प्रकार प्रत्यक्ष पाहिल्याचे सांगितले असून, त्यांनी आपल्या पालकांसह याबाबत तीव्र आक्षेप नोंदवत लेखी तक्रार केल्याचे समजते.

परीक्षा सुरू असतानाच काही विद्यार्थ्यांना उघडपणे मदत केली जात असल्याचे दृश्य पाहून पालकांनी संताप व्यक्त केला आहे.

राज्यभर ‘कॉपीमुक्त परीक्षा अभियान’ राबवले जात असताना शिक्षकांनीच नियमांचे उल्लंघन केल्याचा आरोप होत असल्याने शिक्षण व्यवस्थेवरच प्रश्नचिन्ह उपस्थित झाले आहे.

केंद्रप्रमुखासह शिक्षकांवर कारवाई करा

या गंभीर प्रकाराची तत्काळ चौकशी करून संबंधित परीक्षा रद्द करून दोषींवर कठोर कारवाई करावी, तसेच केंद्रप्रमुख व संबंधित शिक्षकांना निलंबित करण्यात यावे, अशी मागणी पालक व नागरिकांकडून होत आहे. दरम्यान, या प्रकरणाची शिक्षण विभागाने दखल घेऊन नेमकी कोणती कारवाई केली जाते, याकडे लक्ष लागले आहे.

गेनसिद्ध हायस्कूलमध्ये शिष्यवृत्ती परीक्षेचे शिक्षण विभागाने पूर्ण नियोजन केले होते. शाळेची इमारत, पिण्याच्या पाण्याची व्यवस्था, पर्यवेक्षक, दोन शिपाई देण्याची त्यांची सूचना होती. ती पूर्तता केली. या परीक्षा केंद्राशी संबंध नव्हता. रमेश बसुदे – पाटील, मुख्याध्यापक

व्हायरल झालेल्या व्हिडीओवरून मी संबंधित गटशिक्षण अधिकारी, केंद्रप्रमुख व शाळेच्या मुख्याध्यापकांना लेखी अहवाल सादर करण्यास सांगितले आहे. अहवालावरून पुढील कारवाई केली जाईल. – कादर शेख, शिक्षणाधिकारी, प्राथमिक विभाग

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज