मंगळवेढा टाईम्स न्युज नेटवर्किंग।
मुख्यमंत्री समृद्ध पंचायतराज अभियानांतर्गत गावांच्या सर्वांगीण विकासासाठी लोकसहभाग वाढविण्यावर भर दिला जात आहे. या अभियानाला बळ देण्यासाठी सिनेअभिनेत्री शिवाली परब आणि सिनेअभिनेते संदीप पाठक थेट गावकऱ्यांच्या भेटीला येत आहेत.
मंगळवेढा तालुक्यातील भालेवाडी येथे आज गुरुवार, दि. ८ जानेवारी रोजी सकाळी १०:३० वाजता हा कार्यक्रम आयोजित केला आहे. जि. प. शाळा भालेवाडी येथे हा उपक्रम होणार असल्याचे सरपंच डॉ. श्रीकांत दवले यांनी सांगितले.
या भेटीदरम्यान पंचायतराज व्यवस्था अधिक सक्षम कशी करता येईल, ग्रामविकासात युवक, महिला व सर्वसामान्य नागरिकांचा सहभाग कसा वाढवता येईल, याबाबत मार्गदर्शन करण्यात येणार आहे.
भालेवाडीत शैक्षणिक सहल अन् हुरडा पार्टी
‘मिल्क अॅन्ड मिलेट व्हिलेज’ भालेवाडी (ता. मंगळवेढा) येथे विद्यार्थ्यांसाठी शैक्षणिक सहल व हुरडा पार्टी उत्साहात पार पडली. या उपक्रमातून विद्यार्थ्यांना ग्रामजीवन, कृषी व्यवस्था व सांस्कृतिक वारशाची प्रत्यक्ष ओळख करून देण्यात आली.
सहलीदरम्यान ग्रामपंचायतीमार्फत गावातील मंदिर, मामाचा वाडा, आडाची विहीर, दुग्ध उत्पादक केंद्र, ओपन जिम, इंग्रजकालीन तलावाची माहितीपूर्ण फेरी घडविण्यात आली.
दवले वस्ती येथे विद्यार्थी व पाहुण्यांचे स्वागत करण्यात आले. बाळूमामा मंदिरात विद्यार्थिनींनी एकांकिका सादर केली. तर विद्यार्थ्यांनी छत्रपती शिवाजी महाराजांचा पोवाडा सादर केला.
मुला-मुलींसाठी पारंपरिक खेळ, बैलगाडी सफर तसेच बक्षीस वितरणाचा कार्यक्रम घेण्यात आला. पाहुण्यांसाठी हुरडा पार्टी, मका भाजणे व हरभरा वाटपाचे आयोजन करण्यात आले.
या कार्यक्रमास उपकृषी अधिकारी प्रशांत काटे, सरपंच डॉ. श्रीकांत दवले, उपसरपंच उषाताई गवळी, ग्रामसेवक दत्तात्रय गायकवाड, कृषी सहायक अभिजित तवादारे यांच्यासह कृषी पर्यटन व एकात्मिक पर्यटन विकास प्रकल्पातील तज्ज्ञ उपस्थित होते.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
