टीम मंगळवेढा टाईम्स ।
मंगळवेढा येथील दामाजीनगर ग्रामपंचायत हद्दीतील सद्‌गुरु बैठक (भिवाची वाट) रोडचे कॉकीटीकरण रस्त्याचे काम अडवण्याचा आरोप चुकीचा असून वस्तुस्थिती वेगळी असून सदर कामाचा कार्यारंभ आदेश (मंजुरी पत्र) पंचायत समिती कडून न येता संबंधित शिफारस झालेल्या ठेकेदारांकडून संत दामाजी नगर ग्रामपंचायत मध्ये दि.12 नोव्हेंबर 2025 रोजी अर्ज करून संबंधित कामाचा आदेश कार्यालयात दिला होता.
सदरचा कामाचा आदेश मिळाल्यानंतर मासिक मीटिंग मध्ये विकास कामासंदर्भात चर्चा करून मंजुरी घेऊन पुढील ग्रामपंचायतीने कार्यवाही केली. त्याप्रमाणे ग्रामपंचायतीने सर्व दाखले व इतर आवश्यक कागदपत्रे संबंधित ठेकेदाराला कोणती ही अडवणूक न करता तातडीने दिले आहेत.
सदरचे काम तीनशे मीटरचे असून त्यासाठी नऊ लाख मंजूर आहेत, परंतु या निधीतून पूर्ण काम होत नसल्याने रस्त्याचे काम पूर्ण होऊन नागरिकांची गैरसोय होऊ नये यासाठी ग्रामपंचायतने स्वानिधी देण्याचे सर्वाना विश्वासात प्रयत्न करून पूर्ण रस्त्याचे काम व्हावे यासाठी ठेकेदाराला सांगितले.
त्यानुसार सदर रस्तावरून बैठकीसाठी भाविक जात असल्याने सरपंच जमीर सुतार यांनी ठेकेदाराला सोबत घेऊन रस्त्याचे मोजमाप करून कमी पडणारा निधी ग्रामनिधीतून देण्याचे मान्य केले
तरी पूर्ण कामाच्या संदर्भात माहिती न घेता जनतेची दिशाभूल होईल अशा पद्धतीने निवेदन देऊन चांगल्या कामास खीळ घालण्याचा प्रयत्न केला आहे.
वास्तविक पाहता सदरच्या कामाचा आदेश नऊ लाखाचा असताना अपुऱ्या माहिती अभावी हे काम दहा लाखाचे असल्याचा उल्लेख केला होता.
मंगळवेढा दामाजीनगर ग्रामपंचायत हद्दीतील सद्‌गुरु बैठक रोड येथील कॉकीटीकरण रस्ता अडवण्याचे कोणतेही कारण नाही उलट ग्रामपंचायत हद्दीत होणारी विकास कामे गावाच्या वैभवात भर घालणारी आहेत.
संत दामाजीनगर ग्रामपंचायत सरपंच जमीर सुतार व ग्रामसेवक पाटील यांनी कधीही राजकीय दबावातुन जाणुन बुजुन सदर कामाकरीता व इतर कोणत्याही कामाकरता कोणाचीही अडवणूक केली नाही अथवा ठराव देण्यास विरोध केला नाही.
विकास कामांसाठी मागील तेव्हा ठराव ग्रामपंचायत कडून दिला जातो. सध्या नगरपालिका निवडणुकीची राजकीय रणधुमाळी चालू असल्याने केवळ कोणत्यातरी आक्सापोटी अशा पद्धतीने संत दामाजी नगर ग्रामपंचायत बद्दल जाणून-बुजून हेतुपरस्परपणे आरोप केले जात आहेत परंतु वस्तुस्थिती न समजून घेता केलेले आरोप चुकीचे व बिनबुडाचे असल्याचे सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
