मंगळवेढा टाईम्स न्युज नेटवर्किंग ।
साताऱ्यामधून एक धक्कादायक घटना समोर आली आहे, फलटण मधील रुग्णालयात कार्यरत असलेल्या महिला डॉक्टरने आत्महत्या केली आहे. या घटनेनं राज्यभरात खळबळ उडाली आहे.
आत्महत्येपूर्वी या महिला डॉक्टरने आपल्या तळहातावर एक सात ओळींची सुसाईड नोट लिहून ठेवली होती, ज्यामध्ये तीने पीएसआय गोपाल बदने आणि प्रशांत बनकर यांच्यावर गंभीर आरोप केले आहेत.
या डॉक्टरने गुरुवारी रात्री एका हॉटेलमध्ये गळफास घेऊन आपलं आयुष्य संपवलं, दरम्यान तिने आपल्या तळहातावर जी सुसाईड नोट लिहिली होती, त्यामध्ये असा आरोप केला आहे की, ‘पोलीस उपनिरीक्षक गोपाल बदने याने माझ्यावर चार वेळा बलात्कार केला आहे,
तर दुसरा अधिकारी प्रशांत बनकर याच्याकडून मागच्या चार महिन्यांपासून माझा शारीरिक आणि मानसिक छळ सुरू आहे, असं या महिला डॉक्टरने आपल्या सुसाईड नोटमध्ये म्हटलं आहे.
दरम्यान आता या प्रकरणात महत्त्वाची माहिती समोर आली आहे, या प्रकरणात नुकतीच पोलिसांची पत्रकार परिषद पार पडली, या महिला डॉक्टरानं गुरुवारी एका हॉटेलमध्ये गळफास घेऊन आत्महत्या केली, मात्र त्यापूर्वी तिने आपल्या तळहातावर एक सुसाईड नोट लिहिली होती, त्यामध्ये पोलीस अधिकारी असलेल्या गोपाल बदने आणि प्रशांत बनकर यांच्यावर गंभीर आरोप करण्यात आले आहेत,
गोपाल बदने याने आपल्यावर चार वेळा अत्याचार केल्याचं या महिला डॉक्टरने सुसाईड नोटमध्ये लिहिलं आहे. त्यानंतर गोपाल बदने याच्यावर मोठी कारवाई करण्यात आली असून, त्याचं निलंबन करण्यात आल्याची माहिती पोलिसांकडून देण्यात आली आहे, आरोपींचा शोध सुरू असल्याचं देखील पोलिसांनी म्हटलं आहे.
नेमकं काय आहे प्रकरण?
साताऱ्यामधील एक महिला डॉक्टराने आपलं आयुष्य संपवलं आहे, आत्महत्येपूर्वी तिने आपल्या तळहातावर एक सुसाईड नोट लिहून ठेवली आहे. ज्यामध्ये तिने पीएसआय गोपाल बदने याच्यावर गंभीर आरोप केले आहेत, गोपाल बदने याने आपल्यावर अत्याचार केल्याचं या डॉक्टरने आपल्या सुसाईड नोटमध्ये म्हटलं आहे, त्यानंतर आता त्याचं निलंबन करण्यात आलं आहे.
महिला डॉक्टरबाबत ‘हा’ धक्कादायक खुलासा; आतेभावाच्या आरोपांनी खळबळ
बीड येथील मृत डॉक्टर महिलेने आत्महत्येपूर्वी तिच्या तळहातावर सुसाईड नोट लिहिली असून त्यात तिने पोलीस अधिकारी गोपाल बदनेवर बलात्काराचा व घरमालकाचा मुलगा प्रशांत बनकर याच्यावर मानसिक छळाचे गंभीर आरोप केले आहेत. पोलीस उपनिरीक्षक बदनेने तिच्यावर वारंवार बलात्कार केल्याचं म्हटलं आहे. फलटण शहरामध्ये विद्यानगर येथे राहत असणाऱ्या घरमालकाचा मुलगा प्रशांत बनकर यानेही तिचा सलग चार महिने मानसिक छळ केला होता.
डॉक्टर महिलेनं ऐन भाऊबीजेदिवशी आत्महत्या करत आपलं जीवन संपवल्यानं फलटण तालुक्यासह बीड जिल्ह्यातही एकच खळबळ उडाली आहे.या घटनेनंतर पोलीस प्रशासनही हादरलं आहे. तसेच नागरिकांमध्येही या घटनेनं संतापाची तीव्र लाट उसळली आहे. दोषींवर कठोर कारवाई व्हावी अशी मागणी कुटुंबियांवर केली जात आहे.
पीएम अहवाल बदलण्यासाठी दबाव
याबाबत डॉक्टर महिलेच्या भावानं गंभीर आरोप केले आहेत ,ज्यानं एकच खळबळ उडाली आहे. बहीण दोन वर्षांपासून कार्यरत आहे.एक वर्षापासून शवविच्छेदन अहवाल बदलण्यासाठी,चुकीचा देण्यासाठी तिच्यावर राजकीय व पोलिसांचा दबाव येत होता.याबाबत तिने तिच्या डॉक्टर असलेल्या बहिणीला सांगितले होते.
परंतु एवढा गंभीर त्रास असेल असे वाटले नव्हते.या त्रासाबाबत तिने वरिष्ठ पोलिस अधिकाऱ्यांकडे तक्रारही केली होती; परंतु त्यावर कारवाई झाली नाही.माहिती अधिकारात तिने माहिती मागूनही दिली गेलेली नाही.तिने हातावर संशयितांची नावे लिहिली असल्याचं नमूद केलं आहे.
संशयित आरोपी विरुद्ध फलटण शहर पोलीस ठाण्यात बलात्काराचा व आत्महत्तेस प्रवृत्त केल्याबाबत गुन्हा नों.क्र.३४५/२०२५ कलम ६४(२)(एन),१०८ भा.न्या. संहितेप्रमाणे गुन्हा दाखल केला आहे.
याबाबत सातारा पोलीस अधीक्षक तुषार दोशी म्हणाले,फलटण येथील महिला डॉक्टरच्या आत्महत्या प्रकरणी पोलिसासह दोघांवर गुन्हा दाखल करण्यात आला आहे.संबंधित पोलीस अधिकाऱ्याला निलंबित करण्यात आले आहे.संशयित आरोपींच्या अटकेसाठी तपास पथके रवाना करण्यात आले आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
