एकाच खोलीत एकाच ओढणीने तरुण-तरुणीने संपवलं जीवन, चिठ्ठीत लिहिलं अस काही सगळेच झाले शॉक; सोलापूर जिल्ह्यातील घटनेने खळबळ

मंगळवेढा टाईम्स न्युज नेटवर्किंग ।

सोलापुरातील कर्णिक नगर परिसरात एक धक्कादायक घटना उघडकीस आली आहे. येथील एका घरात एका तरुण आणि तरुणीने गळफास घेऊन आयुष्याचा शेवट केला आहे. दोघांनी एकाच ओढणीने गळफास घेतला आहे.

दोघांचा अशाप्रकारे मृत्यू झाल्याने परिसरात खळबळ उडाली आहे. पण आत्महत्येपूर्वी लिहिलेल्या चिठ्ठीने मात्र दोघांच्या मृत्यूचं गूढ वाढवलं आहे. या प्रकरणी पोलिसांनी गुन्हा दाखल केला आहे. घटनेचा पुढील तपास सुरू आहे.

नेमकं काय घडलं?

रोहित ठणकेदार आणि अश्विनी केशापुरे असं आत्महत्या करणाऱ्या तरुण-तरुणीचं नावं आहेत. दोघंही २३ वर्षांचे होते. दोघांनी एकाच ओढणीने गळफास घेऊन आत्महत्या केली. आत्महत्या करणाऱ्या तरुण-तरुणींनी चिठ्ठीत आपण भाऊ-बहीण असल्याचा उल्लेख केला आहे.

तर रोहित हा अश्विनीला बहीण मानत होता, असा दावा नातेवाईकांनी केला आहे. अशाप्रकारे दोघांनी आयुष्याचा शेवट केल्याने परिसरात खळबळ उडाली आहे.

चिठ्ठीत काय लिहिलं?

दोघांनी चिठ्ठीत लिहिलं की, ‘आम्ही दोघं बहीण भाऊ आहोत, विनाकारण आमच्यावर संशय घेऊ नका. आमच्या आत्महत्येला आई वडील जबाबदार नाहीयेत. एकाच वयाच्या दोघांनी अशाप्रकारे आयुष्याचा शेवट केल्याने दोघांमध्ये प्रेमसंबंध सुरू होते, यातूनच त्यांनी आत्महत्या केली असावी, असा संशय व्यक्त केला जात होता. मात्र चिठ्ठीत लिहिलेल्या मजकुरामुळे दोघांच्या मृत्यूचं गूढ वाढलं आहे. दोघांनी आत्महत्या का केली, याचा तपास पोलीस करत आहे.

तो ड्रायव्हर ती फार्मासिस्ट

मिळालेल्या माहितीनुसार, रोहित हा चालक म्हणून काम करत होता. तर अश्विनीने बी फार्मसीचं शिक्षण घेतलं होतं. दोघांनीही आदल्या दिवशी स्टेटस ठेवून आपण भाऊ-बहीण असल्याचा उल्लेख केला होता. यानंतर त्यांनी एकाच ओढणीने गळफास घेऊन जीवन संपवलं.

दोघांनी आत्महत्या केल्यानंतर नातेवाईकांनी सिव्हील हॉस्पिटलमध्ये एकच आक्रोश केला. याप्रकरणी सिव्हील पोलीस ठाण्यात नोंद करण्यात आली आहे. घटनेचा पुढील तपास केला जात आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज