दानशूर भक्त! मंगळवेढ्यातील श्री.संत दामाजी मंदिर बांधकामाला ‘या’ भाविकांकडून लाखांची देणगी; मंदिराच्या जिर्णोदराचे काम आधुनिक पद्धतीने सुरू

टीम मंगळवेढा टाईम्स ।

दुष्काळात ज्वारीचे कोठार खुले करणाऱ्या संत दामाजीपंतांच्या मंदिर बांधकामाचे काम सुरू आहे, मंदिराचे बांधकाम जवळपास पूर्णत्वाकडे जात असताना मंगळवेढ्यातील दानशूर भाविक

मधुकर भीमराव उन्हाळे व त्यांच्या पत्नी सौ सखुबाई मधुकर उन्हाळे या दांपत्याने संत दामाजीपंत मंदिर समितीचे आवताडे अध्यक्ष विष्णुपंत यांच्याकडे बांधकामासाठी म्हणून एक लाख रुपयांची रोख रकमेची देणगी दिली आहे.

देणगी स्वीकारताना मंदिर समितीचे सचिव सतीश पाटील, धनाजी देवकर, रामभाऊ मळगे, श्रीकांत भेंकी, नारायण सावंजी उपस्थित होते.

संत दामाजीपंतांच्या मंदिराच्या जिर्णोदराचे काम आधुनिक पद्धतीने सुरू असून पूर्वीच्या सभा मंडपाची उंची ६ फुटाणे वाढवली आहे,

गाभाऱ्याची रुंदी १० फूट होती ती १२ फूट करण्यात आली आहे, सभा मंडपातील खांब पूर्वी १४ होते. आता २० करण्यात आले आहेत,

मंदिराच्या शिखराची उंची ३५ फुटापर्यंत वाढवण्यात आली असुन गाभाऱ्यासाठी वापरण्यात येणारा दगड नांदेड इथून मागवण्यात आला आहे, याचे कारण म्हणजे येथील दगडात पोकळी कमी असून तो मजबूत व टिकाऊ आहे.

संत दामाजी पुण्यतिथीनिमित्त उद्यापासून विविध कार्यक्रम

श्री संत दामाजीपंत पुण्यतिथी सोहळ्यानिमित्त १० ते १३ मे दरम्यान मंदिरात विविध धार्मिक कार्यक्रम कार्यक्रमाचे आयोजन करण्यात आल्याची माहिती संत दामाजी संस्थेचे अध्यक्ष विष्णुपंतबापू आवताडे यांनी दिली.

१० मे रोजी सकाळी ‘वीणापूजन दामाजी मंदिर समितीचे अध्यक्ष विष्णुपंत आवताडे व विश्वस्त प्रभाकर घुले यांच्या हस्ते होणार आहे. त्यानंतर श्री स्वामी समर्थ भजनी मंडळ व कान्होपात्रा भजनी मंडळ यांचा ‘संगीत भजन.

दुपारी १२ ते ४ या वेळेत भारुड, सायंकाळी ४ ते ५ या वेळेत केराप्पा लेंडवे, रा. लेंडवे चिंचाळे यांचे प्रवचन. सायंकाळी ७ते रात्री ९ ज्ञानेश्वर जाधव यांचे कीर्तन , रात्री ९ ते ११ हरिजागर होणार आहे.

११ मे रोजी भजन सम्राट मस्तान मुल्ला माचनूर व महादेव यादव मारापुर यांचे संगीत भजनाचा कार्यक्रम, दुपारी १२ ते ४ या वेळेत भारुड, सायंकाळी ४ ते ५ या वेळेत अशोक मोरे महाराज ब्रह्मपुरी यांचे प्रवचन,

संध्याकाळी ७ ते ९ या वेळेत दीनानाथ जाधव नांद्रेकर यांचा नरसिंह जयंती कीर्तन होणार असून रात्री ९ ते ११’ हरिजागर’ होणार आहे,

सोमवार दि.१२ मे रोजी सकाळी ७वाजता ‘संगीत भजन’, दुपारी १२ ते ४ या वेळेत भारुड, सायंकाळी ४ ते ५ या वेळेत विठ्ठल पाटील घरनिकी यांचे प्रवचन,

पुण्यतिथी पुष्पवृष्टी झाल्यानंतर सायंकाळी ७ ते ९ वासकर फड प्रमुख ह.भ.प विठ्ठलदादा वासकर महाराज आणि ह.भ.प. गोपाळ आण्णा बासकर महाराज यांचे कीर्तन होणार आहे, रात्री ९ ते ११ ‘हरिजागर होणार आहे.

मंगळवारी काल्याचे कीर्तनाने सांगता

मंगळवार दि.१३ मे रोजी सकाळी १० ते१२ या वेळेत ‘काल्याचे कीर्तन’ ह.भ.प. सुधाकर इंगळे महाराज, सोलापूर यांचे होईल ह.भ.प. नामदेव आबा दिडीवाले पंढरपूर यांचा’ दहीहंडी ‘सोहळा होणार आहे,

त्यानंतर दामाजी हमाल सोसायटी यांचेतर्फे’ महाप्रसादाचे वाटप करण्यात येईल. सोहळ्यासाठी सतीश पाटील, धनाजी देवकर, सिद्धेश्वर पट्टणशेट्टी, श्रीकांत भेंकी आदी परिश्रम घेत आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज