टीम मंगळवेढा टाईम्स ।
राष्ट्रवादी काँग्रेस शरदचंद्र पवार पक्षाचे प्रदेशाध्यक्ष जयंत पाटील यांनी पत्रकार परिषद घेतली. यावेळी त्यांनी विधानसभा निवडणुकीसाठीच्या उमेदवारांची पहिली यादी जाहीर केली. जयंत पाटील यांनी पहिल्या यादीत शरद पवार गटाच्या एकूण 45 उमेदवारांची नावे जाहीर केली.
यामध्ये बारामती मतदारसंघाचा देखील समावेश आहे. बारामतीमधून शरद पवार गटाकडून युगेंद्र पवार यांना उमेदवारी जाहीर करण्यात आली आहे. त्यामुळे बारामतीत उपमुख्यमंत्री अजित पवार यांच्या विरुद्ध पुतणे युगेंद्र पवार यांच्यात आता थेट लढत बघायला मिळणार आहे.
याआधी लोकसभेतही राष्ट्रवादीच्या पवार कुटुंबातीलच नणंद-भावजयी यांच्यात लढत बघायला मिळाली होती. आता बारामती विधानसभेत काका-पुतण्यात राजकीय लढाई होणार आहे. त्यामुळे अजित पवार यांच्यासाठी ही लढाई कठीण असणार आहे.
वाचा उमेदवारांची यादी
इस्लामपूर – जयंत पाटील, काटोल – अनिल देशमुख, घनसावंगी – राजेश टोपे, कराड उत्तर – बाळासाहेब पाटील, मुंब्रा-कळवा – जितेंद्र आव्हाड, कोरेगाव – शशिकांत शिंदे, बसमत – जयप्रकाश दांडेगावकर, जळगाव ग्रामीण – गुलाबराव देवकर
इंदापूर – हर्षवर्धन पाटील, राहुरी – प्राजक्त तनपुरे, शिरुर – अशोक पवार, शिराळा – मासिंगराव नाईक, विक्रमगड – सुनील भुसारा, कर्जत – जामखेड – रोहित पवार, अहमदपूर – विनायकराव पाटील, सिंदखेडराजा – राजेंद्र शिंगणे, उदगीर – सुधाकर भालेराव, भोकरदन – चंद्रकांत दानवे
तुमसर – चरण वाघमारे, किनवट – प्रदीप नाईक, जिंतूर – विजय भामरे, केज – पृथ्वीराज साठे, बेलापूर – संदीप नाईक, वडगाव शेरी – बापूसाहेब पठारे, जामनेर – दिलीप खोडपे, मुक्ताईनगर – रोहिणी खडसे, मूर्तिजापूर – सम्राट डोंगरदिवे
नागपूर पूर्व – दिनेश्वर पेठे, किरोडा – रविकांत गोपचे, अहिरी – भाग्यश्री आत्राम, बदनापूर – बबलू चौधरी, मुरबाड – सुभाष पवार, घाटकोपर पूर्व – राखी जाधव, आंबेगाव – देवदत्त निकम, बारामती – युगेंद्र पवार, कोपरगाव – संदीप वरपे, शेवगाव – प्रताप ढाकणे, पारनेर – राणी लंके
आष्टी – मेहबूब शेख, करमाळा – नारायण पाटील, सोलापूर शहर उत्तर – महेश कोठेे, चिपळूण – प्रशांत यादव, कागल – समरजीत घाटगे, तासगाव -कवठेमहंकाळ – रोहीत पाटील, हडपसर – प्रशांत जगताप
दरम्यान माढा व मंगळवेढा पंढरपूरचे उमेदवार या यादीमध्ये नाहीत त्यामुळे दुसऱ्या टप्प्यातील यादीत नावे असतील का ? असा प्रश्न उपस्थित होत आहे.
इच्छुकांना मात्र दुसऱ्या यादीची वाट पहावी लागणार आहे. माढा व पंढरपूर या दोन मतदारसंघाचे उमेदवार नावे अजून निश्चित झाले नसल्याचे बोलले जात आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
