टीम मंगळवेढा टाईम्स ।
दरोड्याच्या तयारीत असलेल्या टोळीला भालेवाडी (ता.मंगळवेढा) येथील ग्रामस्थांनी पकडून पोलिसांच्या ताब्यात दिले.
यातील चार जणांना ताब्यात घेतले असून उर्वरित पाच जण पळून जाण्यात यशस्वी झाले. बुधवारी पहाटे हा प्रकार घडला. याप्रकरणी सहा जणांवर गुन्हा दाखल करण्यात आला आहे.
आदम बशीर मुलाणी (मुळेगांव रोड सोलापूर), शब्बीर खाजीमीन शेख (सोलापूर), धनराज राम आठवले (सोलापूर), संतोष यल्लाप्पा वाघमारे ( सोलापूर) यांना अटक करण्यात आली असून
बुडन मुजावर (रा. शेळगी सोलापूर), नुर पठाण (रा. सोलापूर पुर्ण नांव व पत्ता माहित नाही) व गणेश (रा.सोलापूर) आदी फरार झाले.
बुधवारी पहाटे पावणे पाच वाजता गस्तीवर असलेल्या पोलिसांना भालेवाडीतील एका तरुणाने फोन करुन आम्ही गावकऱ्यांनी गावात ४ चोरट्याना पकडले असून
त्यांच्याकडे एक मोटार सायकल व एक अशोक लेलंड कंपनीचे चार चाकी वाहन मिळाले असून उर्वरित ५ ते ६ इसम हे दोन कारमधून पळून गेल्याचे सांगितले. पोलिसांचे पथक घटनास्थळी पोहोचले.
नितीन गवळी, आबा गवळी, भालेवाडी गावचे पोलिस पाटील शशांक मनोहर गवळी, सरपंच श्रीकांत एकनाथ दवले, सचिन शिवशरण व इतर सुमारे १०० ते १५० लोक हजर होते व त्यांनी चार इसमाना ताब्यात घेवून ठेवले होते.
त्यावेळी चोरट्याकडील वाहन एम. एच १३ ए.एन ६७०१ व मोटार सायकल एम. एच १३ बी.डब्ल्यु ११६४ ची तपासणी केली असता दरोडयाचे साहित्य,
लोखंडाची एका हातात मावेल एवढ्या आकाराची सळई, लोखंडी कटावणी, – एक हिरवे रंगाची मुठ असलेले मार्टेल एका कागदी पुड्यात लाल चटणी आदी दरोड्याचे साहित्य मिळून आले. अधिक तपास सहाय्यक पोलीस निरीक्षक अंकुश वाघमोडे करीत आहेत.(स्रोत:दिव्य मराठी)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
