टीम मंगळवेढा टाईम्स।
सोलापूर जिल्ह्यात खळबळ उडवून देणाऱ्या कृष्णा धोत्रे या लहान मुलाच्या खून प्रकरणी जादूटोणा विरोधी कायद्यानुसार खुनाचा गुन्हा दाखल करण्याचे आदेश दिले आहेत.
त्यानुसार पंढरपूर शहर पोलिसांनी जादूटोणा विरोधी कायदा २०१२ नुसार गुन्हा दाखल केला आहे. दरम्यान, या प्रकरणी पंढरपूर शहर पोलिसांवर मात्र नामुष्की ओढवली आहे, असे दिसते.
याबाबतचे सविस्तर वृत्त असे की २२ जानेवारी २०२३ रोजी पंढरपूर येथील संतपेठ भागातील तिम्मा पांडुरंग धोत्रे यांचा आठ वर्षीय मुलगा दुपारी दोन वाजता खेळण्यासाठी म्हणून घरातून बाहेर गेला.
मात्र सायंकाळी पर्यंत तो परत न आल्याने त्याचा शोध घेतला असता, २२ जानेवारीच्या रात्री साडे बारा वाजण्याच्या सुमारास याच भागातील महिलांच्या शौचालयात कृष्णा चा मृतदेह आढळला होता.
त्याच्या शरीराचे काही अवयव गायब होते. याप्रकरणी शहर पोलिसांनी शव विच्छेदन अहवालावरून प्राण्याच्या हल्ल्यात कृष्णाचा मृत्यू झाल्याचा गुन्हा दाखल केला होता.
दरम्यान, कृष्णाच्या पालकांसह नागरिकांनी योग्य दिशेने तपास करण्याची विनंती केली होती. शहर पोलिस ठाण्यावर मोर्चे ही काढले होते. पोलिसांनी दखल न घेतल्याने या प्रकरणी जिल्हा पोलिस अधीक्षक यांच्याकडे धाव घेतली.
मात्र तिथेही तपास करण्या संदर्भात योग्य त्या सूचना झाल्या नाहीत. त्यानंतर कृष्णाच्या वडिलांनी पंढरपूर येथील न्यायालयात धाव घेतली. यातक्रारीची दखल घेऊन
प्रथम वर्ग न्याय दंडाधिकरी न्या. पी. एन. पठाडे यांनी पंढरपूर शहर पोलिसांना आदेश दिला की, कृष्ण धोत्रे खूनप्रकरणी जादूटोणा प्रतिबंधक कायद्यानुसार गुन्हा दाखल करण्यात यावा. न्यायालयाने कान टोचल्यानंतर शहर पोलिसांनी जादू टोणा कायद्यानुसार गुन्हा दाखल केलेला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
