मंगळवेढा टाइम्स न्यूज नेटवर्क।
मेहुण्याकडे पाहुणा म्हणून आलेल्या पाहुण्याचा विहिरीच्या काठावर बसून आंघोळ करीत असताना पाय घसरून विहिरीत पडल्यामुळे पाण्यात बुडून मृत्यू झाला.
अनिल श्रीमंत पवार (वय ३०, रा. अमृतवाडी, ता. जत, जि. सांगली) असे मृताचे नाव आहे. ही घटना शनिवार दि. १३ रोजी सकाळी ११ च्या सुमारास हातीद (ता. सांगोला) येथील नलवडे वस्ती येथे घडली.
अनिल पवार हा शुक्रवारी मेहुणा अमोल बापूराव नलवडे (रा. नलवडे वस्ती, हातीद, ता. सांगोला) याच्याकडे आला होता. दरम्यान, शनिवारी सकाळी ११ च्या सुमारास नलवडे यांच्या शेतातील विहिरीच्या काठावर बसून आंघोळ करीत असताना त्याचा पाय घसरून तो विहिरीत पडला.
सुरुवातीला अमोल नलवडे यांनी त्याचा विहिरीत शोध घेतला. पण, तो मिळून आला नाही. यामुळे याची माहिती अनिलचे वडील श्रीमंत पवार यांना फोनवरून कळवली.
त्यांनी तातडीने घटनास्थळी येऊन पाहुणे व इतर लोकांच्या मदतीने विहिरीतील पाण्यातून बेशुद्ध अवस्थेत बाहेर काढले. त्यास खासगी वाहनाने
सांगोला ग्रामीण रुग्णालयात दाखल केले तपासून तो असता डॉक्टरांनी उपचारापूर्वीच मयत झाल्याचे सांगितले. याबाबत श्रीमंत सदाशिव पवार यांनी सांगोला पोलिसांत खबर दिली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
