टीम मंगळवेढा टाईम्स।
पाठीमागील भांडणाचा राग मनात धरून एका महिलेच्या तोंडावर दगडाने मारून जखमी करून तीचे गळयातील अर्धा तोळयाचे डोरले काढून घेवून गेल्या आठ वर्षापासून फरार असलेला
आरोपी अफसर साहेबलाल शेख, चांद उर्फ मुन्ना शेख (रा.तांडोर) यांना बोराळे बीट पोलिसांना पकडण्यात यश आले असून आरोपीला न्यायालयात उभे केले असता न्यायालयाने 14 दिवसाची न्यायालयीन कोठडी सुनावली आहे.
या घटनेची हकिकत अशी, यातील फिर्यादी मुमताज मुजावर (रा.सिध्दापूर) यांच्या बहिणीस वरील आरोपीने पाठीमागे झालेल्या भांडणाचा राग मनात धरून शिवीगाळी दमदाटी करून दगडाने फिर्यादीची बहिण इमीजा मुजावर हीचे तोंडावर मारून जखमी केले होते.
दरम्यान, फिर्यादीची भावजय अस्मान मुजावर हिचे गळयातील अर्धा तोळे सोन्याचे डोरले आरोपीने मारामारीत काढून घेवून गेल्याची फिर्याद
दि.18 फेब्रुवारी 2015 मध्ये भा.द.व.वि.कलम 324, 327, 143, 147, 148,149,323,504,506 प्रमाणे दाखल होते.
या घटनेत सलमान शेख,अफसर शेख,जाफर शेख,इुन्नुस शेख,मुन्ना शेख,हाजीमलिंग शेख, निसार शेख,सद्दाम शेख, (सर्व रा.तांडोर) असे एकूण 8 आरोपी होते.घटना घडल्यासून गेली आठ वर्षे पोलिसांना गुंगारा देत होते.
डी.वाय.एस.पी.राजश्री पाटील, पोलिस निरिक्षक रणजित माने यांच्या मार्गदर्शनाखाली बोराळे बीटचे पोलिस हवालदार महेश कोळी यांना वरील आरोपी गावात आल्याची कुणकूण मिळताच त्यांनी गनिमी कावा पध्दतीने पकडून अटक केली.
दरम्यान आठ आरोपीपैकी आत्तापर्यंत 7 आरोपींना जेरबंद करण्यात पोलिसांना यश आले असून सलमान शेख हा आरोपी अजूनही फरार असून याचा कसून शोध तपासिक अंमलदार कोळी घेत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
