टीम मंगळवेढा टाईम्स ।
आरोग्य व शिक्षण व्यवस्थेची जागतिक पातळीवर दखल घेतलेल्या मुख्यमंत्री अरविंद केजरीवाल यांनी दिल्लीतील प्राथमिक शिक्षण व आरोग्यसेवेत केलेल्या बदलाचा अभ्यास करण्यासाठी मंगळवेढ्यातील विविध क्षेत्रातील ६५ जणांनी दि.१२ सप्टेंबर रोजी चार दिवसांच्या अभ्यास दौऱ्याचे आयोजन केले आहे.
तालुका ओळख हा दौरा उद्योगपती संजय कट्टे यांच्या पुढाकाराने आयोजित केला असून दुष्काळी म्हणून मंगळवेढ्याची असलेल्या मंगळवेढ्यात शेती , पाणी , आरोग्य , शिक्षण याचा देखील दुष्काळ असल्याचा सारखाच आहे.
या भागातील विद्यार्थ्यांनी दुष्काळी परिस्थितीला मागे टाकून शिक्षणात उपलब्ध शिक्षणाचा लाभ घेऊन आपला नावलौकिक केला आहे.
अलीकडच्या काळात प्राथमिक शिक्षणातील दर्जा घसरत चालल्यामुळे अनेक पालकांनी याला पर्याय म्हणून इंग्रजी माध्यमाच्या शाळांचा आधार घेतला.
कोरोना काळामध्ये ऑनलाइन शिक्षण व इंग्रजी माध्यमाने भरमसाट शुल्क आकारन अनेक पालकांच्या खिशाला चाप लावला. प्रत्यक्षात विद्यार्थ्यांची गुणवत्ता मात्र सुमारच राहिली.
धनिकांची मुले इंग्रजी माध्यमात शिकू लागली , पण गोरगरिव मुलांच्या शिक्षणाचे काय ?, असा प्रश्न निर्माण झाला. प्राथमिक शिक्षणामध्ये नगरपालिका शिक्षण मंडळाच्या दोन शाळेत प्रवेश घेण्यासाठी पालकांची मोठी चढाओढ चालते. मग त्या पद्धतीचे शिक्षण शहर व तालुक्यातील इतर शाळात का नाही.
किंबहुना त्या दृष्टीने प्रयत्न केले जात नाहीत याबद्दल पालक वर्गातून चिंता व्यक्त केली जात आहे. कोरोनानंतर प्राथमिक जिल्हा परिषद शाळेतील विद्यार्थ्यांची पटसंख्या देखील वाढली आहे.
सध्या तालुक्यातील प्राथमिक शाळातील ११५ पदे रिक्त रिक्त ठेवून विद्यार्थ्याचे भवितव्य अंधारात ठेवले आहे. लोकप्रतिनिधी अधिकारी व पालक याबाबत आवाज उठवत नसल्याचे दुर्दैव आहे.
म्हणून तालुक्यातील प्राथमिक शिक्षण चांगले असले तरी गुणवत्तेसाठी शहरातील उद्योगपती संजय कट्टे, मुख्याधिकारी निशिकांत प्रचंडराव, गटशिक्षणाधिकारी आनंद लोकरे, ज्ञानदेव जावीर, हनुमंत कोष्टी, अॅड भारत पवार पक्षनेते अजित जगताप, पत्रकार विक्रांत पंडित, माजी नगरसेवक व जागरूक पालक सहभागी झाले.
दिल्लीतील शाळांत शैक्षणिक प्रगती व मोफत शिक्षणामुळे गुणवत्ता वाढली. सध्या बदलत्या परिस्थितीत आरोग्याचे नवीन नवीन प्रश्न निर्माण होत आहेत. त्यामुळे वैद्यकीय खर्च लाखाच्या पुढे चालला आहे.
गोरगरिबांना वैद्यकीय खर्च परवडत नसल्यामुळे जिवाला मुकावे लागले . अशा परिस्थितीत दिल्ली सरकारने आरोग्याचा विचार करून मोहल्ला क्लिनिक ही सुविधा मोफत उपलब्ध केली.
या सुविधेचा रुग्णांनी घेतला अशा पद्धती सुविधा मंगळवेढ्यात देता येते का ?, नगरपालिकेच्या वतीने रुग्णालय उभे करण्याच्या दृष्टीने प्रयत्न करण्याचा मानस या मंडळांनी व्यक्त केला. कमी काळात अनेक सामाजिक संस्था व समाजसेवक पुढे येऊ लागले.
गोरगरिबांसाठी आरोग्य सुविधा देण्याच्या दृष्टीने प्रयत्न करता येईल
मंगळवेढा तालुक्यामध्ये असलेल्या प्राथमिक शाळांमध्ये या सर्व सोयी सुविधा उपलब्ध असताना त्याचे योग्य सादरीकरण होत नसल्यामुळे विद्यार्थ्यांसमोर गुणवत्तेचा प्रश्न उभा राहिला.
दिल्लीतील प्राथमिक शिक्षणाचा चार दिवसीय अभ्यास दौरा करून त्या अनुषंगाने जे काय बदल करता येतील , त्याची पाहणी, नंतर शहर व ग्रामीण भागातील मुलांना तशा पद्धतीचे शिक्षण देण्याच्या दृष्टीने व गोरगरिबांसाठी आरोग्य सुविधा देण्याच्या दृष्टीने प्रयत्न करता येईल का ? त्या दृष्टीने प्रयत्न करणार आहे. अॅड . भारत पवार ,
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
