टीम मंगळवेढा टाईम्स ।
एका अभियांत्रिकी शिक्षण घेत असलेल्या कॉलेज युवतीचा व तीच्या आईचा व्हॅटसअप डि.पीचा फोटो चोरून इडीट केले व अश्लील स्वरूपात ते तयार करून बनावट फेसबुक अकाऊंटवरून लज्जा वाटेल असे फोटो प्रसारीत करून मायलेकीची बदनामी केल्याप्रकरणी
सुरज यशवंत कांबळे (वय 23 रा.रड्डे) याला पोलिसांनी अटक करून न्यायालयात उभे केले असता न्यायालयाने एकंदरीत पाच दिवसाची पोलिस कोठडी सुनावली.
या घटनेची हकिकत अशी,यातील फिर्यादी याची मुलगी अभियांत्रिकी शिक्षण घेत असून या मुलीचा व्हॅटसअॅप डी.पीवरील फोटो इडीट केला व अश्लिल स्वरूपात तयार करून
फिर्यादीच्या मुलीस व पत्नीस मनास लज्जा वाटेल असे अश्लिल फोटो फेसबुक अकाऊंटवरून प्रसारीत केले होते.
या बाबत फिर्यादीकडे गावातील अनेकांनी मोबाईलवर फोटो आल्याची माहिती दिली होती. यावरून फिर्यादीने 6 ऑगस्ट रोजी 10.49 वाजता मंगळवेढा पोलिसात अज्ञात व्यक्तीविरूध्द गुन्हा दाखल केला होता.
तपासिक अंमलदार पोलिस निरिक्षक रणजित माने व सहाय्यक फौजदार अविनाश पाटील यांनी सोलापूर येथील सायबर विभागाशी संपर्क साधून याबाबतची माहिती दिली होती.
सायबर विभागाकडून संबंधित मोबाईल नंबरची तपासणी केली व त्या माहितीच्या आधारे आरोपी सुरज कांबळे याला 30 ऑगस्ट रोजी अटक करून न्यायालयात उभे केले असता
न्यायालयाने प्रथमतः तीन दिवस व नंतर दोन दिवस अशी एकूण पाच दिवसाची पोलिस कोठडी दिली होती.पोलिस कोठडीची मुदत संपल्यानंतर पुन्हा दि.3 रोजी न्यायालयात उभे केले असता न्यायालयाने न्यायालयीन कोठडी सुनावली आहे.
आरोपीने गुन्हयाची कबुली दिली असून त्याच्याविरूध्द पुरावा निष्पन्न झाला आहे. पोलिसांनी आरोपीकडून गुन्हयात वापरलेले मोबाईल व सीमकार्ड जप्त केले आहेत.
सायबर पोलिस ठाण्याकडून आणखी काही माहिती प्राप्त झाल्यास उर्वरीत आरोपींचाही शोध घेतला जाणार असल्याचे पोलिस सुत्रांकडून सांगण्यात आले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
