टीम मंगळवेढा टाईम्स ।
मी पोलीस आहे, अशी बतावणी करून चौघा तरुणांना मी पोलीस भरती करतो, असे आमिष दाखवून २ लाख ४० हजारांची फसवणूक केल्याची घटना घडली आहे.
मात्र, त्याबाबतचा गुन्हा १ सप्टेंबर २०२२ रोजी वळसंग पोलीस ठाण्यात दाखल झाला.
मलकारसिद्ध रमेश जमादार (२८, रा. हालचिंचोली, ता. द. सोलापूर) यांनी दिलेल्या फिर्यादीनुसार पोपट रामचंद्र चौगुले (रा.भाळवणी ता.मंगळवेढा) याच्या विरोधात गुन्हा दाखल करण्यात आला आहे.
संपर्क साधण्याचे आवाहन
दरम्यान, मंगळवेढा तालुक्यातील काही लोकांना त्याने अशा प्रकारची फसवणूक केल्याची चर्चा काल दिवसभर होती. तपास अधिकारी पोलीस उपनिरीक्षक म्हाळप्पा सुरवसे यांनी याबाबत आवाहन केले आहे की, चौगुले यांनी आपला फसवणूक केली असल्यास संपर्क साधण्याचे आवाहन त्यांनी केले आहे.
याबाबत पोलिसांनी दिलेली माहिती अशी की, १० मे २०२२ रोजी सकाळी ११ वाजण्याच्या सुमारास पोपट चौगुले याने स्वतःस मी पोलीस आहे, अशी बतावणी करून माझ्याकडून
तसेच माझे मित्र रवी जमादार, समर्थ भगत, आकाश कोळी यांच्याकडून औज येथील शेतात प्रत्येकी ६० हजार रुपये असा एकूण २ लाख ४० हजार रुपये घेऊन मी तुम्हाला पोलीस भरती करतो, असे आमिष दाखवून फसवणूक केल्याचे फिर्यादीत म्हटले आहे.
या प्रकरणाचा पुढील तपास सहायक पोलीस निरीक्षक अतुल भोसले यांच्या मार्गदर्शनाखाली पोलीस उपनिरीक्षक सुरवसे हे करीत आहेत.(स्रोत:लोकमत)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
