टीम मंगळवेढा टाईम्स ।
अल्पवयीन मुलीला फूस लावून पळवून नेल्या प्रकरणी आरोपी उमेश सोळगे (मंगळवेढा ) याला पोलीस पथकाने सहा महिन्यांनी पकडून न्यायालयात उभे केले असता चार दिवसांची पोलीस कोठडी सुनावण्यात आली.
पोलीस सूत्राकडील माहितीनुसार , आरोपी उमेश आबा सोळगे याने सहा महिन्यांपूर्वी एका अल्पवयीन मुलीला फूस लावून पळवून नेले होते.
आरोपी हा सतत पोलिसांना गुंगारा देत होता. तो सहा महिन्यांपासून सापडत नव्हता. तपास अधिकारी सहायक पोलीस निरीक्षक अंकुश वाघमोडे यांनी आरोपीची माहिती मिळवली.
आरोपी हा उत्तर सोलापूर तालुक्यात नान्नज येथे एका शेतात फार्म हाउसवर कामगार म्हणून काम करीत असल्याची माहिती तपास अधिकाऱ्याला मिळाली.
तेथे जाऊन पोलिसांनी त्यास ताब्यात घेतले. त्याला मंगळवेढा पोलीस ठाण्यात हजर केले. यापूर्वी पीडित मुलीच्या वडिलांच्या फिर्यादीवरून आरोपीविरुद्ध अपहरणाचा गुन्हा दाखल केला होता.
पीडिता ही तीन महिन्यांची गर्भवती असल्याचे वैद्यकीय तपासणीत निदर्शनास आले. तिच्यावर सोलापूर येथील शासकीय रुग्णालयात उपचार सुरू आहेत.
दरम्यान, या घटनेत आरोपीविरुद्ध पोलिसांनी बलात्काराचे कलम वाढविले आहे. आरोपीला अटक करून न्यायालयात उभे केले असता चार दिवसांची पोलीस कोठडी सुनावली होती.
ही मुदत २ ९ रोजी संपत असल्याने पुन्हा न्यायालयात उभे केले असता न्यायालयाने न्यायालयीन कोठडी सुनावली आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
