टीम मंगळवेढा टाईम्स ।
मंगळवेढा शहरात माजी सैनिकाच्या घरी पडलेल्या दरोड्याची उखळ करण्यात स्थानिक गुन्हे शाखेच्या पथकाला यश आले आहे
याप्रकरणी नागनाथ उर्फ जोशा मधुकर भोसले (वय 30, रा.कात्राळ, ता. मंगळवेढा) या आरोपीला जेरबंद केले आहे.
याबाबत अधिक माहिती अशी की, दि.26 फेब्रुवारी 2022 रोजी रात्री 2ः15 ते 02ः45 वाजन्याच्या दरम्यान डोके हाॅस्पिटलच्या पाठीमागे, दामाजी नगर, मंगळवेढा येथे फिर्यादी व तिचे पती घरात झोपले असताना, अज्ञात चोरटयांनी
पाठीमागील दरवाजाचे कडीकोयंडा उचकटून आत प्रवेश करून फिर्यादी व तिचे पतीस लाकडी दांडक्याने जबर मारहाण करून घरातून सोन्या चांदीचे दागिने, मनगटी घडयाळ, रोख रक्कम, दोन दारूच्या बाटल्या असा एकूण 5 लाख 5 हजार 400 रू. किंमतीचा
मुद्देमाल जबरीने चोरून नेले म्हणून नर्गीस चंगेखान इनामदार, (वय 39, रा.पुर्नवसन प्लाॅट सोलापूर रोड मंगळवेढा) यांनी अज्ञात चोरटयाविरूध्द फिर्याद दिल्याने मंगळवेढा पोलीस ठाणे गुरनं 147/2022 भादवि कलम 394, 34 प्रमाणे गुन्हा दाखल आहे.
सदर गुन्हयात अज्ञात चोरटयांनी फिर्यादी व तिचे पतीस जबर मारहाण केल्याने गुन्हयाचे गांभीर्य ओळखून गुन्हयाचे ठिकाणी पोलीस अधीक्षक तेजस्वी सातपुते, अपर पोलीस अधीक्षक हिम्मत जाधव, उपविभागीय पोलीस अधिकारी राजश्री पाटील व स्थानिक गुन्हे शाखेचे पोलीस निरीक्षक, सुहास जगताप यांनी घटनास्थळी भेट देवून पाहणी केली होती.
सदरचा गुन्हा हा गंभीर स्वरूपाचा असल्याने,पोलीस अधिक्षक तेजस्वी सातपुते यांनी पोलीस ठाणेकडील व स्थानिक गुन्हे शाखेकडील वेगवेगळे तपास पथके तयार करणेबाबत मार्गदर्शनपर सुचना दिल्या होत्या.
त्या अनुषंगाने गुन्हा उघडकीस आणणेकामी पोलीस निरीक्षक सुहास जगताप,स्थानिक गुन्हे शाखा यांनी स्थानिक गुन्हे शाखेकडील सहा.पोलीस निरीक्षक अनिल सनगल्ले यांचे पथकास सदरचे गुन्हा उघडकीस आणणेकामी सुचना दिल्या होत्या.
सहा.पोलीस निरीक्षक, अनिल सनगल्ले व त्यांचे पथक मंगळवेढा शहरात असताना त्यांना गोपनियरित्या माहिती मिळाली की, सदरचा गुन्हा हा जामगांव ता. मोहोळ जि. सोलापूर येथील रेकाॅर्डवरील गुन्हेगार याने त्याचे इतर साथिदार यांचे मार्फतीने केला असून
गुन्हयातील चोरलेले दागिने हे त्याने त्याचे मौजे कात्राळ ता. मंगळवेढा येथील एका नातेवाईकाकडे ठेवले असून कात्राळ मधील इसम हा गांवात असलेबाबत खात्रीशीर बातमी मिळाल्याने, त्यावरून तात्काळ त्याठिकाणी जावून मिळालेल्या बातमीप्रमाणे त्यास ताब्यात घेवून
त्याचेकडे कौशल्यपूर्ण तपास करता त्याने सांगितले की, मागील अंदाजे 4 ते 5 महिन्यापूर्वी जामगांव येथील त्याचे नातेवाईक हा त्याचे घरी आला होता, त्यावेळी त्याने त्यास आम्ही मंगळवेढा येथील मोटार सायकल शोरूम मालकाचे घरी चोरी केली आहे,
त्यातील त्याचे वाटणीस आलेले सोन्या चांदीचे दागिने विकून पैसे आणून दे असे सांगितल्याने त्याचेकडून त्याने सोन्या चांदीचे दागिने घेवून त्याचे जवळ ठेवले असलेबाबत सांगितल्याने ते जप्त करण्यात आले.
तसेच त्याच्याकडून 04 मोटर सायकली मिळून आल्या असून सदर मोटार सायकलीची माहिती घेतली असता सदरच्या मोटार सायकली हया चोरीच्या गुन्हयातील असल्याने त्या गुन्हयाचेकामी जप्त करण्यात आल्या आहेत.
त्याचे कब्जातून सोन्या चांदीचे दागिने व 04 मोटार सायकली असा एकूण 3 लाख 62 हजार किंमतीचा मुद्देमाल जप्त करण्यात आले आहे.
सदरची कामगिरी पोलीस अधीक्षक तेजस्वी सातपुते, अपर पोलीस अधीक्षक हिंमत जाधव, उपविभागीय पोलीस अधिकारी राजश्री पाटील यांच्या मार्गदर्शनाखाली स्थानिक गुन्हे शाखेचे पोलीस निरीक्षक सुहास जगताप, मंगळवेढा पोलीस ठाणेचे पोलीस निरीक्षक रणजित माने यांचे नेतृत्वाखाली
सहा. पोलीस निरीक्षक अनिल सनगल्ले, पोलीस अंमलदार नारायण गोलेकर, धनाजी गाडे, मोहन मनसावाले, धनराज गायकवाड, अक्षय दळवी, समीर शेख, व मंगळवेढा पोलीस ठाणेचे तपासिक अंमलदार सपोनि पिंगळे, परि. पोसई पुरुषोत्तम धापटे यांनी बजावली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
