टीम मंगळवेढा टाईम्स ।
मंगळवेढा तालुक्यातील ४ ग्रामपंचायत निवडणुकीसाठी अर्ज माघारीच्या अखेरच्या दिवशी ११३ उमेदवारांनी माघार घेतली असून ४२ जागांसाठी उमेदवार रिंगणात आहेत.
११३ जणांनी घेतली माघार तीन महिला सदस्य बिनविरोध म्हणून निवडूण आले आहेत. ग्रामपंचायत निवडणुकीत रस्सीखेच होणार असल्याचे दिसून येत आहे.

मंगळवेढा तालुक्यातील सलगर ग्रामपंचायतीमधील प्रभाग दोनमधील आरती अजय कांबळे , द्रौपदाबाई अरविंद पाटील, तर धर्मगाव ग्रामपंचायतीमधील प्रभाग एकमधील शोभाबाई आळगे या तीन महिला सदस्यांची बिनविरोध निवड झाली आहे.

मंगळवेढा तालुक्यातील संत चोखामेळानगर ग्रामपंचायतीमध्ये चार प्रभागांत एकूण १३ सदस्य असून, यासाठी ५४ अर्ज दाखल झाले होते, यापैकी २२ उमेदवारांनी अर्ज माघारी घेतल्याने ३२ जण रिंगणात आहेत.
संत दामाजीनगर ग्रामपंचायतीच्या पाच प्रभागांत एकूण १५ सदस्य असून , ७१ दाखल अर्जात ३९ जणांनी माघार घेतल्याने ३२ जण निवडणूक लढवीत आहेत.

धर्मगाव ग्रामपंचायतीत तीन प्रभागांतून ७ सदस्य असून , ३० अर्ज दाखल होते . यामध्ये १६ जणांनी माघार घेतल्याने १४ आखाड्यात आहेत.
यामध्ये प्रभाग एक मधील शोभाबाई आळगे यांची बिनविरोध निवड झाली . सलंगर खुर्द ग्रामपंचायतीचे तीन प्रभागांत सात सदस्य असून , आतापर्यंत ५१ अर्ज दाखल झाले होते.
यामध्ये ३६ जणांनी माघार घेतली असून , १५ जण नशीब आजमावत आहेत.
तहसीलदार स्वप्निल रावडे , निवडणूक विभाग नायब तहसीलदार सुधाकर धाईजे , एस . एच . जाधव , डी . एस . इंगोले , जी . ए . वाघमोडे , एस . एच . कुंभार यांच्या मार्गदर्शनाखाली निवडणूक विभागाचे उमाकांत मोरे निवडणूक प्रक्रिया राबवीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.



बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज










