टीम मंगळवेढा टाईम्स।
मंगळवेढा दामाजी कारखान्याची निवडणूक बिनविरोध करण्याच्या चर्चेस पोषक वातावरण व विश्वास निर्माण करण्यासाठी उमेदवारी अर्जाच्या छाननी वर कोणीही हरकती घ्यायच्या नाहीत.
तसेच सर्व अर्ज मंजूर झाले की बिनविरोधच्या चर्चेस कोठेही बसता येईल.
अगदी मारुतीच्या पटांगणात सुद्धा बसू असे खुले आव्हान श्री संत दामाजी सहकारी साखर कारखान्याचे माजी चेअरमन ॲड.नंदकुमार पवार यांनी आ.समाधान आवताडे यांना दिले आहे.
ॲड.पवार म्हणाले, आ.समाधान आवताडे यांनी परवा जाहीरपणे सांगितले की, श्री.संत दामाजी सहकारी साखर कारखान्यांची आर्थिक परिस्थिती चांगली नाही. निवडणुकीसाठी सुमारे ३० लाख खर्च येणार आहे, त्यासाठी निवडणूक बिनविरोध व्हावी यासाठी विरोधकांना निरोप पाठविला होता.
परंतु त्यांच्याकडून प्रतिसाद मिळाला नाही. त्यामुळे अजूनही वेळ गेली नाही निवडणूक बिनविरोध व्हावी ही आमची इच्छा आहे .
आमदार आवताडे यांच्याप्रमाणेच सर्वांची इच्छा आहे. मात्र कारखान्याची मतदार यादी तयार करताना कारखान्याने सुमारे २५०० सभासदांना कमी केले आणि २५०० सभासद बेकायदेशीररित्या वाढवले.
त्याविरूद्ध सभासदांना न्याय मिळवून देण्यासाठी आम्ही हायकोर्टात गेलो तर तेथे कॅव्हिएट दाखल केले. व सभासदावर अन्याय केला मग बिनविरोध साठी चर्चेला कसे बसायचे ? विश्वासाचे वातावरण असेल तर चर्चा होऊ शकते.
असो. झाले ते झाले ! आता परत बिनविरोध निवडणूक करण्याचा प्रयत्न करणार असल्याचे आ.समाधान आवताडे यांनी जाहीर केले ही समाधानाची गोष्ट आहे.
यासाठी सौहार्दाचे व विश्वासाचे वातावरण निर्माण करावयाचे असेल व निवडणूक बिनविरोध करण्यासाठी चर्चा करावयाची असेल तर दोन्ही बाजूंनी कृतीतून ते दाखवून देण्याची गरज आहे.
म्हणून उमेदवारी अर्जाची छाननी करताना कोणीच कोणाच्या अर्जावर हरकत घ्यायची नाही. छाननी झाल्यानंतर बिनविरोधसाठी चांगले वातावरण निर्माण होईल.
कै.चरणूकाका पाटील चेअरमन असताना छाननीच्या वेळी आपण कै. चरणूकाका पाटील यांना कोणीच कोणाच्या अर्जावर हरकती घ्यायच्या नाहीत अशी विनंती केल्यावर कै . चरणुकाकांनी क्षणाचाही विलंब न लावता होकार दिला.
त्यावर छानणीस कोणीच हरकत न घेतल्याने सर्व अर्ज मंजूर झाले होते याची क्षणाची आठवणही ॲड.पवार यांनी यावेळी करून दिली.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
