टीम मंगळवेढा टाईम्स ।
कोरोनाच्या विषाणूने पुन्हा शहर आणि ग्रामीण भागात शिरकाव केला आहे. शहरात दीड महिन्यानंतर एक रुग्ण आढळून आला आहे.
हे रुग्ण म्हणजे एका खासगी रुग्णालयात कार्यरत असलेल्या डॉक्टर आहेत. ग्रामीण भागात तीन रुग्ण आढळून आले आहेत.
मुंबई , पुण्यात कोरोना रुग्णांची संख्या वाढत असल्याचे वृत्त आहे. राज्य सरकारने अलर्ट दिला आहे. शहरात जानेवारी आणि फेब्रुवारी महिन्यात कोरोनाचा उद्रेक झाला होता. यानंतर स्थिती नियंत्रणात आहे.
दीड महिन्यापूर्वी एक रुग्ण आढळून आ होता. हा रुग्णही चारच दिवसांत बरा झाला . खासगी रुग्णालयात कार्यरत असलेल्या डॉक्टरांची आरोग्य तपासणी आणि कोरोना चाचणी झाली.
कोरोना चाचणी पॉझिटिव्ह आल्याचे पालिकेला कळविण्यात आले. ग्रामीण भागात शनिवारी १४५ चाचण्या झाल्या . यातून तीन रुग्ण आढळून आले.
यात दोन पुरुष, तर एका महिलेचा समावेश आहे. ग्रामीणमध्ये शकतारी दोन रुग्ण आढळून आले. यामुळे ग्रामीण भागातील सक्रिय रुग्णांची संख्या पाच झाली आहे. (स्रोत:लोकमत)
‘या’ तालुक्यात दोन रुग्ण
ग्रामीणमध्ये पाच सक्रिय रुग्ण आहेत. यात बार्शी तालुक्यात दोन, मंगळवेढा, मोहोळ, दक्षिण सोलापूर तालुक्यात प्रत्येकी एक रुग्ण आहे. अक्कलकोट , करमाळा , माढा , माळशिरस , उत्तर सोलापूर , पंढरपूर , सांगोला तालुक्यात शनिवारअखेर एकही रुग्ण नव्हता.
रॅपीड नको, आरटीपीसीआर चाचण्यांची संख्या वाढवा
महापालिका आणि जिल्हा परिषदेच्या वैद्यकीय अधिकाऱ्यांना कोरोनाच्या आरटीपीसीआर चाचण्या वाढविण्याचे आदेश आरोग्य अधिकारी डॉ . बसवराज लोहारे आणि डॉ . शीतलकुमार जाधव यांनी दिले आहेत.
कोरोनाची सौम्य लक्षणे असलेल्या रुग्णांची रॅपीड अॅन्टिजन टेस्ट करू नका . आरटीपीसीआर करण्यावरच भर द्या , असा निरोप आहे . मनपा आरोग्य केंद्रात दररोज २० ते ३० चाचण्या व्हाव्यात , असे आयुक्त पी . शिवशंकर यांचे आदेश आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
