टीम मंगळवेढा टाईम्स ।
मंगळवेढा शहरात कुंभार गल्लीत इंग्रज कालावधीतील जुनी मौल्यवान ४५ नाणी एका पडीक घरात सापडली आहेत.
ती नाणी पोलीस प्रशासनाकडे जमा न करता स्वतःकडे ठेवून फसवणूक केल्याप्रकरणी पोलिसांनी आरोपी पांडुरंग दिगंबर मेरू यास अटक केली.
त्यास न्यायालयात उभे केले असता न्यायालयाने दोन दिवसांची पोलिस कोठडी सुनावली.
पोलीस सूत्रांकडून मिळालेली माहिती अशी, यातील फिर्यादी शिवाजी होडगे (रा.तुकाई नगर) यांचा कुंभार गल्लीत जुना वाडा असून दि.१७ रोजी दुपारी तीन वाजण्याच्या सुमारास
एक लहान मुलगा त्या पडक्या घरात लघुशंकेसाठी गेला तेव्हा त्याला इंग्रजकालीन जुनी मौल्यवान ४५ नाणी व कोणत्या तरी धातूची वाटी सापडली होती.
आरोपीने सदर मुलास पैशाचे आमिष दाखवत पोलिसांकडे जमा करतो असा बहाणा करून ती नाणी जमा न करता स्वतःकडे ठेवून घेऊन फिर्यादीची फसवणूक केल्याचे तक्रारीत म्हटले आहे.
दरम्यान, मंगळवेढा शहरात काल दुपारनंतर सोन्याचा हंडा सापडल्याची चर्चा सुरु होती.
सहायक फौजदार शेख यांनी सदर घटनास्थळी जाऊन प्रत्यक्ष पाहणी करून आरोपी व ४५ नाणी ताब्यात घेतली.
आरोपी पांडुरंग दिगंबर मेरू याला न्यायालयात उभे केले असता न्यायालयाने दोन दिवसांची पोलीस कोठडी सुनावली आहे.
मागील पाच वर्षापूर्वी दुसऱ्या एका पडक्या वाड्यात सोन्याचा हंडा असून मिळविण्यासाठी मांत्रिकाला बोलावून अमावास्येच्या तोंडावर विधी करीत असताना पोलिसांनी घटनास्थळी जाऊन छापा टाकून दोघांना त्यावेळी ताब्यात घेतले होते.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
