टीम मंगळवेढा टाईम्स ।
मंगळवेढा तालुक्यातील लक्ष्मी दहिवडी परिसरात बेकायदा वाळू वाहतूक करणारा टिपर पोलिसांनी वाळूसह पकडून १० लाख १२ हजार रुपये किमतीचा मुद्देमाल जप्त करून,
या प्रकरणी अभिषेक बाबूराव माळी (वय २४,रा.मंगळवेढा) व अजय महादेव धुळे (वय ३५,रा.घोडेश्वर) या दोघांना पोलिसांनी अटक करून न्यायालयात उभे केले असता एक दिवसाची पोलिस कोठडी सुनावली.
पोलिस सुत्रांनी दिलेली अशी, दि.२७ रोजी रात्री १.०० वा. लक्ष्मी दहिवडी परिसरात पोलिस माहिती गस्त घालीत असताना एम.एच १३ सी.यु. २४८४ हा टिपर बेकायदा वाळू वाहतूक करणारा
जिल्हा परिषद शाळेसमोरील डांबरी रोडवर आला असता पोलिसांनी हाताचा इशारा करून थांबवून टिपरच्या हौदयामधील वाळूबाबत चौकशी केली असता बेकायदा वाळू आणल्याचे निदर्शनास आले.
पोलिसांनी चालकास ताब्यात घेवून नावाबाबत चौकशी केली असता चालक व मालक अभिषेक माळी असल्याचे सांगून शेजारी बसलेल्या इसमाचे नाव अजय धुळे असे सांगितले.
पोलिसांनी ३ ताब्यात ब्रास वाळू व टिपर असा एकूण १० लाख १२ हजाराचा मुद्देमाल जप्त केला आहे.
ही कारवाई पोलिस निरिक्षक रणजित माने यांच्या मार्गदर्शनाखाली पोलिस हवालदार पवार, मोरे, दुधाळ यांनी केली असून अधिक तपास पोलिस नाईक पठाण हे करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज