टीम मंगळवेढा टाईम्स ।
राज्य सरकार व महावितरणच्या मनमानी कारभाराविरोधात आज शुक्रवारी दुपारी १२.०० वा. महावितरणच्या मंगळवेढा कार्यालयावर भव्य निषेध मोर्चा आयोजित केल्याची माहिती भाजपाचे तालुकाध्यक्ष गौरीशंकर बुरकूल यांनी दिली.
सर्व सामान्य नागरिक व शेतकरी बांधव कोरोना आणि त्यानंतर झालेल्या तीव्र अतिवृष्टीमुळे आर्थिकदृष्टया अगदी कोलमडून गेला आहे.
शेतकऱ्यांना अडचणीच्या परिस्थितीत दिलासा देणे आवश्यक असताना महावसुली सरकारने शेतकऱ्यांची सक्तीने विज बिल वसुली करत विज कनेक्शनची तोडणी मोहिम चालवली आहे.
रोहित्रांचा विज पुरवठा जाणीवपूर्वक खंडीत केला जात असल्याने पिकांचे अतोनात नुकसान होत आहे.
शेतकऱ्यांकडून जुलमी पध्दतीने वसुली करणाऱ्या राज्य सरकार व महावितरणच्या कारभाराविरोधात आ. प्रशांत परिचारक, आ.समाधान आवताडे यांच्या नेतृत्वाखाली
भव्य निषेध मोर्चा आज शुक्रवार दि . २६ नोव्हेंबर रोजी दुपारी १२.०० वा . पंढरपूर रोडवरील महावितरण कार्यालयवर आयोजित केला असून
सर्व शेतकरी बांधव व नागरिकांनी सामील व्हावे असे आवाहन भाजपाचे तालुकाध्यक्ष गौरीशंकर बुरकूल यांनी केले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
