टीम मंगळवेढा टाईम्स ।
सांगली जिल्हा परिषदेमध्ये कार्यरत असलेले मुख्य लेखा व वित्त अधिकारी महेश जगन्नाथ आवताडे यांची नुकतेच पुणे जिल्हा परिषदेच्या मुख्य लेखा व वित्त अधिकारीपदी बदली झाली.
मुख्य लेखा व वित्त अधिकारी महेश आवताडे हे मूळचे मंगळवेढयाचे असून त्यांनी यापुर्वी सहाय्यक संचालक स्थानिक निधी लेखा चंद्रपूर, कोषागार अधिकारी अकोला, वित्त व्यवस्थापक आदिवासी विकास महामंडळ नाशिक,
मुख्य व्यवस्थापक पुणे माध्यमिक बोर्ड, वरिष्ठ लेखाधिकारी जलस्वराज्य प्रकल्प सांगली आदी ठिकाणी त्यांनी यापुर्वी सेवा बजावली आहे.
सोलापूर येथे ते मुख्य लेखा व वित्त अधिकारी (कॅफो) या पदावर कार्यरत होते . त्यांची मागील एक वर्षापुर्वी सांगली येथे बदली झाली होती.
पुणे विभागातील सर्वात मोठी जिल्हा परिषद अशी ओळख असलेल्या ठिकाणी त्यांची बदली झाल्याने त्यांना काम करण्याची संधी प्राप्त झाली आहे.
दरम्यान ग्रामीण भागातील एका अधिकाऱ्याला मोठया जिल्हा परिषदेमध्ये काम करण्याची संधी मिळाल्यामुळे त्यांचे सर्वत्र अभिनंदन होत आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज