राष्ट्रवादी काँग्रेस पक्षाची उमेदवारी भगीरथ भालके यांनाच मिळणार : मुजम्मील काझी

टीम मंगळवेढा टाईम्स ।

पंढरपूर-मंगळवेढा विधानसभा मतदार संघाचे दिगवंत आमदार भारत भालके यांचे नोव्हेंबर 2020 मध्ये झालेल्या अकस्मात मयतामुळे या मतदार संघावर पोटनिवडणुकीची नामुष्की ओढवली आहे.

आ.भारतनाना भालके यांनी 2019 मध्ये राष्ट्रवादी काँग्रेस पक्षाचे वतीने निवडणूक लढवून बलाढ्य आशा उमेदवारांना चितपट करून प्रचंड मताधिक्य मिळवून निवडणूक आले होते.

आमदार भारतनाना भालके यांचा अकाली मृत्यू झालेमुळे मागील जवळपास 4 महिन्यापासून रिक्त असलेली ही जागा दि.17 मार्च रोजी निवडणूक जाहीर झालेपासून चर्चेचा विषय बनला आहे.

अनेक मात्तबर पोटनिवडणुकीत निवडणूक लढवणार असलेचा दावा करीत राष्ट्रवादी काँग्रेस पक्षाची उमेदवारी मिळवणेस नानातरेचे प्रयत्न करत आहेत.

काहीजण उमेदवारी मिळालेचे आपले बगलबच्चे यांच्यामार्फत सोशल मेडिया मध्ये जोर करत आहेत. पक्षश्रेष्ठी यांनी कोणताही निर्णय जाहीर केला नसताना केवळ मतदाराची दिशाभूल करणेचे उददेशाने राष्ट्रवादी काँग्रेस पक्षाचे उमेदवारी वर दावा करीत आहेत.

दिनांक 27/02/2021 रोजी राष्ट्रवादी काँग्रेस पक्षाचे वतीने सुरेश (आण्णा) घुले यांची निरीक्षक म्हणून पंढरपूर-मंगळवेढा विधानसभा मतदार संघाचे मत जाणून घेण्यासाठी बैठकीचे नियोजन केले व त्याअनुशंगाने पदाधिकारी व कार्यकर्ते यांचेशी चर्चा केली.

चर्चेत व पदाधिकारी यांची मनोगते जाणून घेवून मतदार संघात असलेली भगीरथदादा भालके यांचे नावाला पसंती व स्विकारलेले नेतृत्व जाणून घेवून सरते शेवटी आपले भाषणात निरीक्षक सुरेशआण्णा घुले यांनी पदाधिकारी, कार्यकर्ते व मतदार यांना संबोधून तुमच्या मनातील उमेदवार मा. खा. पक्षाचे नेते श्री. शरदचंद्रजी पवार साहेब जाहीर करतील व तशी मागणी निरीक्षक म्हणून करणार असलेचे जाहीर केले.

अशातच पंढरपूर राष्ट्रवादी काँग्रेस पक्षामध्ये झालेला गोंधळ व उमेदवारी कोणाला दयावी याबद्दल महाराष्ट्र राज्याचे उपमुख्यमंत्री मा.अजितदादा पवार व राष्ट्रवादी काँग्रेस पक्षाचे प्रदेशाध्यक्ष मा.आ. जयंतराव पाटील यांनी पंढरपूर येथील श्रेयस हाॅलमध्ये बैठक आयोजन करून पंढरपूर व मंगळवेढा मतदार संघातील पदाधिकारी व कार्यकर्ते यांचेशी समोरासमोर चर्चा केली.

या चर्चेत देखील भगीरथदादा भालके यांचे नावाला पसंती दिली. पंढरपूर राष्ट्रवादी काँग्रेस पक्षामध्ये असलेला अंतर्गत वाद मिटवून व पदाधिकारी व कार्यकर्ते यांचेशी संवाद साधून बैठक सभेत महाराष्ट्र राज्याचे उपमुख्यमंत्री अजितदादा पवार यांनी राष्ट्रवादी काँग्रेस पक्षाचे नेते खा. शरदचंद्रजी पवार साहेब यांचेशी संवाद साधून जनतेचे व कार्यकर्तेचे मनात असणारे भगीरथदादा भालके यांनाच उमेदवारी जाहीर करण्यात येणार आहे व तसे खा. शरदचंद्रजी पवार साहेब जाहीर करतील असे अश्वासन दिले.

तरीसुद्धा या मतदार संघात पोटनिवडणुकीबाबत उमेदवारीला अनुसरून उलटसुलट चर्चा सुरू आहे. तरी मंगळवेढा शहर राष्ट्रवादी काँग्रेसचे शहराध्यक्ष या नात्याने मुजम्मील काझी राष्ट्रवादी पक्षाचे मंगळवेढा-पंढरपूर मतदार संघात उमेदवारी बद्दल होत असलेल्या सोशल मेडिया व इतर माध्यमातून अफवावर कोणीही विश्वास ठेवून राष्ट्रवादी काँग्रेस पक्षाचे नेते शरदचंद्रजी पवार साहेब व पक्षातील नेत्यावर विनाकारण चिखलफेक करू नये असे विनंती वजा आव्हान पत्रकारांशी बोलताना दिली.

योग्य वेळ आलेस मतदार संघातील पदाधिकारी, कार्यकर्ते व मतदार यांचे पसंतीचे श्री.भगीरथदादा भालके यांची उमेदवारी राष्ट्रवादी काँग्रेस पक्षातून जाहीर करण्यात येईल.