मुख्यमंत्री उद्धव ठाकरे यांच्याविषयी अर्वाच्च भाषा वापरल्याने भाजपचे नारायण राणे यांच्या विरोधात बार्शी शहर पोलीस ठाण्यात अदखलपात्र गुन्हा दाखल करण्यात आला आहे.
शिवसेना नेते भाऊसाहेब आंधळकर यांनी याबाबत तक्रार दिली आहे. मुख्यमंत्री ठाकरे यांनी दसरा मेळाव्यात केलेल्या भाषणाला उत्तर देताना भाजपचे नारायण राणे यांनी अर्वाच्य भाषा वापरली. यामुळे शिवसैनिकांमध्ये संताप निर्माण झाला.
बार्शीचे शिवसेना नेते भाऊसाहेब आंधळकर यांनी याप्रकरणी तक्रार दिल्यानंतर राणे यांच्याविरुद्ध शहर पोलिसांत अदखलपात्र गुन्हा दाखल करण्यात आला.
दरम्यान, गुन्हा दाखल न केल्यास राणे यांच्या पुतळ्याचे दहन करू असा इशारा देत पोलीस निरीक्षक संतोष गिरीगोसावी यांना आंधळकर यांनी निवेदन दिले होते.
यावेळी शिवसेनेच्या जिल्हा उपाध्यक्ष सुनीता जाधव, मनीष चव्हाण, बापू काळे, अन्वर मुजावर, इरफान बागवान, सचिन ढावारे, जावेद पठाण, कालू शेख, शकील शेख, सगीर सय्यद आदी उपस्थित होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
