मंगळवेढा टाईम्स वृत्तसेवा:-
मंगळवेढा तालुक्यातील हुलजंती येथे ठोकले यांच्या घरकुलाच्या बाजूला भिंतीच्या आडोशाला पत्याच्या पानावर पैशाची पैज लावून मन्ना नावाचा जुगार खेळताना मंगळवेढा पोलिसांनी व स्थानिक गुन्हे शाखेच्या पथकाने ६ जणांना अटक केली आहे.
याबाबत पोलीस सूत्रांकडून मिळालेली अधिक माहिती अशी की,आज रविवारी सांयकाळी ५.१५ च्या सुमारास हुलजंती गावालगत असलेल्या भिंतीच्या आडोशाला १) हनुमंत सिद्धगोंडा पाटील (वय.४५,रा.येड्राव),२)पिराप्पा कोमण्णा कांबळे (वय.३८त),३)अशोक जगनाथ भोरकडे (वय.५७),४)जकप्पा आड्याप्पा कोठे(वय.४८),५)अर्जुन रायाप्पा माळी (वय.४५),६)दामू योगा भोरकडे(वय.५०) (सर्व रा. हुलजंती ता.मंगळवेढा) हे मन्ना नावाचा जुगार खेळत असताना त्यांना अटक करून त्यांच्याकडील १ लाख ९ हजार ६२० रुपयांचा मुद्देमाल व जुगार साहित्य पोलिसांनी जप्त केले आहे.
ही कारवाई स्थानिक गुन्हे अन्वेषण शाखेचे पोलीस निरीक्षक अरुण सावंत यांच्या मार्गदर्शनाखाली सहाय्यक फोजदार इस्माइल शेख,हवालदार सर्जेराव बोबडे,असिफ शेख, अक्षय दळवी,पांडुरंग केंद्रे, अमोल गावडे,मंगळवेढा पोलीस हेड कॉन्स्टेबल शहानुर फकीर,पैगंबर नदाफ व रेड्डी यांनी ही कारवाई केली आहे.
या घटनेचा अधिक तपास पोलीस हेड कॉन्स्टेबल शहानुर फकीर हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
