मंगळवेढा टाईम्स वृत्तसेवा:-
खुनाच्या गुन्ह्यात अटकेमध्ये असलेल्या दादासाहेब दिगंबर लेंडवे (वय.४८ रा.लेंडवे चिंचाळे ता. मंगळवेढा) याने सोमवारी पहाटे मंगळवेढा येथील सबजेलमधून भिंतीवरून उडी मारून पलायन केले होते त्याला शोधण्यात पोलिसांना यश आले आहे.
याबाबत सविस्तर माहिती अशी की, सन २०१२ साली टमटमच्या भाड्यावरून झालेल्या वादात दादासाहेब लेंडवे यांनी एक मर्डर व दोन हाफ मर्डर केले होते.
भा.द.वी३०२, ३०७, ३२६, ५०४, ५०६, ३४ मधील न्यायालयीन कोठडीत सबजेल मंगळवेढा येथे असणारा आरोपी दादासाहेब दिगंबर लेंडवे वय वर्षे -४८ राहणार लेंडवे चिंचाळे हा दि.३ डिसेंबर रोजी सकाळी शौचास बाहेर काढला असता तो सबजेलचे कंपाऊंड भिंतीवरून चादरी फाडून एकमेकांना गाठी मारून पळून गेला होता.
मंगळवेढा पोलिसांनी जंगजंग पछाडत शोध घेतला आहे.कर्नाटक व महाराष्ट्र सीमेलगत असलेल्या गावात त्यास आज सकाळी ताब्यात घेण्यात आले.
पोलीस अधीक्षक मनोज पाटील,उपविभागीय पोलीस अधिकारी दिलीप जगदाळे, पोलीस निरीक्षक अनिल गाडे यांच्यामार्गदनाखाली सहाय्यक पोलीस निरीक्षक वैभव मारकड,पोलीस उप निरीक्षक दत्तात्रय पुजारी,पोलीस कॉन्स्टेबल आलमबिर लतीब,विकास क्षीरसागर, पवार,शशिकांत सावंत,दीपक घोंगडे,दत्तात्रय येळपले, सोनलकर,नदाफ,सावंत,कोळी,बालाजी गायकवाड यांनी ही कारवाई केली आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
