टीम मंगळवेढा टाईम्स।
सोलापूर जिल्ह्यातील जिल्हा परिषदेची मुदत दि. १८ मार्च रोजी संपेल तर पंचायत समितीची मुदत दि. १४ मार्च रोजी संपली. डिसेंबर महिन्यात १२ नगरपंचायतीची मुदत संपल्याने प्रशासक नियुक्ती केली आहे.
आयोगाच्या आदेशानुसार प्रारूप प्रशासनाकडून प्रारूप प्रभागरचना तयार करून ती आयोगाला सादर केली होती. पण ओबीसी आरक्षणाचा विषय अद्याप मार्गी लागला नाही.
शासनाने कायदा करून निवडणुकीचे अधिकार स्वतःकडे घेत प्रारूप प्रभाग रचना व गट रचना रद्द करण्याचे आदेश दिले आहेत.
यामुळे आता नव्याने गट व प्रभागाची रचना करण्यात येणार आहे. आयोगाच्या आदेशानुसार महसूल प्रशासनाने ७९ जिल्हा परिषद गट, १२ नगरपंचयतीची प्रारूप प्रभाग रचना व सदस्य संख्या निश्चित केली होती.
मंजुरीसाठी आयोगाला सादर करण्यात आले होते. पण ओबीसी आरक्षणावर अंतिम निर्णय झाला नसल्याने निवडणुका घ्यायच्या की नाही ? याबाबत संभ्रम कायम होता.
पण शासनाने कायदा करून निवडणुकीचे अधिकार स्वतःकडे घेत जिल्हा परिषदेचे गट रचना व नगरपालिकांचे प्रभाग रचना रद्द करण्याच्या सूचना दिल्या आहेत.
नगरपालिकांनी प्रारूप प्रभाग रचना करून त्याची प्रसिद्धीही केली होती. तर जिल्हा परिषदेचे गट व गण रचना आयोगाकडे सादर केली होती.(स्त्रोत; दिव्य मराठी)
ऑक्टोबरमध्ये निवडणूक होण्याची शक्यता
आता करण्यात आलेले गट व प्रभागाची रचना रद्द केली आहे. सर्वोच्च न्यायालयातील ओबीसी आरक्षण मुद्दा निकाली लागेपर्यंत निवडणुका होणार नाहीत.
पण प्रशासनातील अधिकाऱ्यांनी दिलेल्या माहितीनुसार ऑक्टोबरमध्ये निवडणुका होण्याची दाट शक्यता आहे.
तेव्हा नव्याने गट व प्रभागाची रचना करण्याबाबत शासनाकडून सूचना येतील, त्यानुसार नव्याने गट व गणाची रचना करण्यात येणार असल्याचे सांगितले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज