टीम मंगळवेढा टाईम्स ।
मंगळवेढा-पंढरपूर विधानसभा मतदार संघाच्या पोटनिवडणुकीसाठी ५२४ मतदान केंद्रावर मतदान घेतले जाणार आहे. पंढरपूर विधानसभा मतदार संघात ३२८ मतदान केंद्रावर मतदान घेतले जात होते.
मतदारांची संख्या वाढल्याने तसेच कोरोनाच्या पार्श्वभूमीवर १००० पेक्षा जास्त मतदान असणाऱ्या मतदान केंद्रासाठी १९६ सहायक मतदान केंद्रे स्थापन करण्यात आली असल्याची माहिती उपविभागीय अधिकारी गजानन गुरव यांनी दिली.
२५२ पंढरपूर विधानसभा मतदार संघाच्या पोट निवडणुकीसाठी भारत निवडणूक आयोगाकडून लवकरच निवडणूकीचा कार्यक्रम जाहीर होण्याची शक्यता असल्याने सांस्कृतिक भवन प्रांत कार्यालय पंढरपूर येथे बैठकीचे आयोजन करण्यात आले होते.
या बैठकीस उपविभागीय पोलिस अधिकारी विक्रम कदम, तहसिलदार सुशिल बेल्हेकर, स्वप्निल रावडे, तालुका आरोग्य अधिकारी डॉ.एकनाथ बोधले, निवडणूक नायब तहसिलदार सुरेश तिटकारे तसेच विविध राजकीय पक्षाचे पदाधिकारी उपस्थित होते.
यावेळी उपविभागीय अधिकारी गुरव म्हणाले, २५२-पंढरपूर विधानसभा मतदार संघ पोट निवडणूकीसाठी कोरोना आजाराच्या पार्श्वभूमीवर मतदान केंद्रावर आवश्यकती काळजी घेतली जाणार आहे.
मतदान केंद्राच्या नावात बदल, पुर्वीच्या मतदान केंद्राची इमारत मोडकळीस आल्याने मूळ मतदान केंद्राच्या ठिकाणी नवीन इमारत प्रस्तावित करण्यात आल्या आहेत.
त्याचबरोबर सहाय्यकारी मतदान केंद्राच्या ठिकाणी झालेला बदल नावात झालेला बदल याबाबतची सर्व माहिती राजकीय पक्षांच्या प्रतिनिधीना देण्यात येणार आहे.
यामध्ये काही बदल सुचवायचे असतील तर तात्काळ बदल सुचवावेत असेही गुरव यांनी सांगितले.
२५२ मंगळवेढा-पंढरपूर विधानसभा मतदार संघ पोट निवडणूकीसाठी एकूण ४२ मतदान केंद्राच्या नावांमध्ये बदल झालेला असून पंढरपूर शहर २२, ग्रामीण २ तसेच मंगळवेढा येथील २८ केंद्राच्या नावात बदल झाले आहे.
मतदार यादीत छायाचित्र नसलेल्या मतदारांचे फोटो संकलित करण्याबाबत संबधितांनी बीएलए नेमून बीएलओनां सहकार्य करावे. तसेच ज्यांचे वय ०१.०१.२०२१ रोजी १८ वर्षे पुर्ण झाले आहे त्यांनी मतदार नोंदणी करावी. निवडणूक कार्यक्रम जाहीर झाल्यात कोणालाही मतदार नोंदणी करता येणार नाही. असेही गुरव यांनी सांगितले.
२५२ मंगळवेढा-पंढरपूर विधानसभा मतदार संघ पोटनिवडणूक निपक्ष, निर्भिड वातावरणात पार पाडण्यासाठी पोलीस प्रशासनाच्या वतीने योग्यती तयारी केली आहे.
या निवडणुकीत मतदान केंद्राची संख्या वाढल्याने आवश्यक पोलीस बदोबस्त उपलब्ध केला जाणार असल्याचे उपविभागीय पोलिस अधिकारी विक्रम कदम यांनी सांगितले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
