सोन्याच्या दुकानातुन दिवसाढवळ्या चोरी; तीन जणांवर गुन्हा दाखल

टीम मंगळवेढा टाइम्स । सोने खरेदी करण्याच्या बहान्याने करमाळा येथे मुख्य रस्त्यावरील आनंदी ज्वेलर्स या सोने – चांदीच्या दुकानांमधून अज्ञात दोन महिला व एका पुरुषांनी तब्बल दोन तोळ्यांचे शॉर्ट गंठण लांबवल्याची घटना घडली आहे. सदर घटनेबाबत करमाळा पोलीस ठाण्यात गुन्हा नोंद झाला आहे.

करमाळा शहरातील मुख्य रस्त्यावर गांधी ( जयमहाराष्ट्र ) चौक येथे आनंदी ज्वेलर्स सोन्या-चांदीचे दुकान आहे. सध्या कोरोना महामारी मुळे सर्वत्र तोंडाला मास्क लावून दुकानात प्रवेश करणे बंधनकारक असल्यामुळे त्याचा फायदा उचलत

दोन महिला व एका पुरुषांनी दुपारी सव्वा तीनच्या सुमारास दुकानात प्रवेश केला व सोने पाहण्याच्या बहाण्याने दाखवण्यात आलेल्या सोन्या पैकी दोन तोळ्यांचे शॉर्ट गंठण लांबले आहे.

तिघेही दुकानाबाहेर पडल्यानंतर ही बाब दुकान चालकाच्या लक्षात आल्यानंतर त्यांचा शोध घेण्याचा प्रयत्न करण्यात आला. पण त्यापूर्वी तिघांनीही पलायन केले होते. याबाबत घटनेची माहिती करमाळा पोलिसात दिल्यानंतर तीन अज्ञातांविरोधात गुन्हा दाखल करण्यात आला आहे.

Karamala Daytime theft from a gold shop; Charges filed against three persons

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.