टीम मंगळवेढा टाईम्स ।
सोलापूर जिल्ह्यातील वाळू लिलावाला तब्बल तीन वर्षांनंतर अखेर मुहूर्त मिळाला असून सोमवार दि .२७ डिसेंबरपासून ऑनलाइन लिलाव प्रक्रिया प्रारंभ होईल १३ जानेवारीपर्यंत लिलावावर ऑनलाइन बोली लागणार आहे.
प्रशासनाने नऊ वाळू साठ्यांचा लिलाव काढला असून दहा डिसेंबर रोजी सायंकाळी पाचपर्यंत लिलावात सहभाग घेता येईल.
लिलाव पाच वर्षांसाठी असून यातून साठ ते सत्तर कोटींचा महसूल अपेक्षित आहे.तसेच आलेल्या प्रस्तावांना मंजुरी देणे अथवा रद्द करण्याचे अधिकार जिल्हा प्रशासनाला असतील, जिल्हा प्रशासनाने जाहीर केलेल्या प्रसिद्धीपत्रकात म्हटले आहे.
गेल्या तीन वर्षांपासून वाळूचे लिलाव झाले नसल्याने बांधकामासाठी वाळू उपलब्ध होत नव्हती. त्यामुळे शासकीय योजनेतून बांधण्यात येणारी घरकुले अन्य बांधकामे तसेच शासनाच्या विविध विभागाची बांधकामे ठप्प आहेत.
लिलाव झाले नसल्याने अधिकृतरीत्या वाळू उपलब्ध होत नसली तरी सुरुवातीच्या काळात चोरट्या पध्दतीने काळ्या बाजाराने वाळू मिळत होती.
नंतरच्या काळात तीही बंद झाली. याचा विकासकामांवर परिणाम झाला. डस्ट, दगडी वाळूचा पर्याय समोर आल्याने बांधकाम व्यावसायिकांनी त्यावर भर दिला होता.
नवीन वर्षांमध्ये वाळू वाहतूक सुरू होणार असल्याने सॅन्डलॉबीसह , बांधकाम क्षेत्रासाठी अच्छे दिन येणार आहेत. शेजारील जिल्ह्यांमध्ये वाळू लिलावाची प्रक्रिया झालेली आहे.
पण सोलापुरातील प्रक्रिया रखडली होती. लिलाव प्रक्रियेत सहभागी होण्यासाठी पुणे, मुंबईसह इतर भागातील सॅन्डलॉबी सोलापुरात तळ ठोकून होती.
शहर व परिसरातील काही उद्योजकांसह , लोकप्रतिनिधींच्या पाठबळावर काही कार्यकर्ते या लिलाव प्रक्रियेत सक्रिय होण्याच्या तयारीत असल्याने लिलावांतील बोली वाढण्याची शक्यता व्यक्त होत आहे.(स्रोत:दिव्यमराठी)
नियोजित साठे
मोहोळ आणि मंगळवेढा तालुक्यातील अर्धनारी , बठाण , घोडेश्वर , तामदर्डी , मिरी , तांडोर व सिद्धापूर आदी ठिकाणच्या वाळू साठ्यासाठी लिलाव नियोजित आहे पर्यावरण समितीच्या मान्यतेनंतरच राज्यातील अन्य ठिकाणची वाळू लिलाव प्रक्रिया सुरू झाली असून सोलापुरात मात्र विलंब होत होता.
महसूल , गौण खनिज विभाग यांच्यात समन्वय नसल्यानेच वाळू लिलावाला उशीर होत असल्याचीही चर्चा होती .
१० जानेवारीपर्यंत इसारा भरणे बंधनकारक
१० जानेवारीपर्यंत लिलावात भाग घेणाऱ्या व्यक्तीस एकूण रेती गटाची २५ टक्के रक्कम इसारा म्हणून भरणे बंधनकारक राहील. ही रक्कम ११ जानेवारीला सायंकाळी ४ पर्यंत जमा करणे अनिवार्य आहे.
१३ जानेवारी रोजी सायंकाळी साडेचारपर्यंत आलेल्या प्रस्तावांवर अंतिम निर्णय घेण्यात येईल.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
