टीम मंगळवेढा टाईम्स।
मंगळवेढा येथील जवाहरलाल हायस्कूलमध्ये कार्यरत असलेले शिक्षक सुभाष गुंडीबा दत्तू (वय ४०) हे इयत्ता ९ वी च्या वर्गावर शिकवत असताना अचानक चक्कर येवून
बी.पी. लो होवून हृदयविकाराचा झटका आल्याने मृत्यू झाल्याची नोंद मंगळवेढा पोलिसात झाली आहे.
या घटनेची हकिकत अशी, यातील मयत सुभाष दत्तू हे जवाहरलाल हायस्कूल येथे माध्यमिक शिक्षक म्हणून कार्यरत होते.
दि .२ रोजी दुपारी २.३० वा . इयत्ता ९ वी च्या वर्गावर शिकवत असताना अचानक चक्कर येवून पडले. त्यांना उपचाराकरीता शहरातील एका खाजगी दवाखान्यात दाखल करण्यात आले होते.
तेथील डॉक्टरांनी त्यांना तपासून पुढील उपचारासाठी सोलापूर येथे नेण्यास कळविले होते.
या दरम्यान, अॅब्युलन्समधून सोलापूरकडे जात असताना मंगळवेढा टोळ नाक्याजवळ मयताचा बी.पी.कमी झाल्याने त्यांना हृदयविकाराचा झटका येवून ते मयत झाले.
यावेळी अॅब्युलन्समधील डॉक्टरांनी तपासणी केली असता ते मयत झाल्याचे घोषित करण्यात आले असल्याचे अजित यादव यांनी दिलेल्या खबरमध्ये म्हटले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
