टीम मंगळवेढा टाईम्स ।
मंगळवेढा तालुक्यात विविध ठिकाणी सुरू असलेल्या अवैध धंद्यांवर उपविभागीय पोलीस अधिकारी राजश्री पाटील यांनी कारवाईचे सत्र सुरू केले आहे.
शनिवारी रात्री हुलजंती येथील कारवाईत दारू व जुगार अड्ड्यावर धाड टाकून नऊ जणांवर गुन्हे दाखल केले. त्यांच्याकडून २ लाख ६८ हजाराचा मुद्देमाल जप्त करण्यात आला आहे.
हुलजंती यात्रेच्या पार्श्वभूमीवर पोलिसांकडून ही कारवाई केली पोलीस अधीक्षक सातपुते यांनी अवैध धंद्यांविरोधात कारवाईचे आदेश दिले होते.
राजश्री पाटील यांनी तालुक्यात पथके तयार करून अवैध धंद्यांवर कारवाईचे नियोजन केली. दरम्यान, हुलजंती येथील हॉटेल लक्ष्मी पॅलेसच्या बाजूस बांधकाम सुरू असलेल्या भिंतीच्या अडोशाला पत्त्यांचा जुगार सुरू होता.
सुरेश चंद्रशेखर जंगमशेदी, मायाप्पा परशाप्पा बंडगर (दोघे रा.हुलजंती), महादेव तम्मा सांगोलकर (रा.पौट), मुदगौडा निगोंडा पाटील, बापुराया बलाप्पा पाटील, श्रीदराया विश्वराया चौगुले (रा.जंगलगी), श्रीकांत म्हाळाप्पा पेटरगी यांना गराडा घालून त्यांना जागीच पकडले.
पळून जाणाऱ्या सहदेव रोंगे (रा.हुलजंती) याच्यावरही गुन्हा दाखल केला आहे. सापडलेल्या आरोपींची झडती घेतली असता , १ लाख १५ हजार ७०० रुपयांसह मोबाईल , पत्त्यांचा डाव जप्त करण्यात आला.
कारवाईदरम्यान हॉटेल लक्ष्मी पॅलेसच्या तपासणीत १ लाख ५२ हजार ३५० रुपये किमतीच्या देशी दारूसह विविध दारू कंपन्यांच्या बाटल्या सापडल्या.
या कारवाईत दत्तात्रय तोंडले, सुनील पवार, अभिजित साळुंखे, संतोष चव्हाण, तानगावडे , घुमरे यांनी सहभाग नोंदवला.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
