टीम मंगळवेढा टाईम्स ।
अत्यंत चुरशीने झालेल्या मंगळवेढा नगरपरिषद निवडणुकीच्या निकालानंतर आता सगळ्यांच्या नजरा उपनगराध्यक्ष व स्वीकृत सदस्य निवडीकडे लागल्या आहेत. मंगळवेढा नगरपालिकेच्या उपनगराध्यक्ष व स्वीकृत सदस्य पदाची निवड आज होणार आहे.
महायुती व तीर्थक्षेत्र विकास आघाडीला प्रत्येकी एक स्वीकृत नगरसेवक पदाची संधी मिळणार असून उपनगराध्यक्ष तीर्थक्षेत्र विकास आघाडीकडे जाणार की भाजपाकडे जाणार याबाबत तर्क वितर्क लढवले जात आहेत.
मंगळवेढा नगरपालिका उपनगराध्यक्ष व स्वीकृत नगरसेवक पदासाठी जिल्हाधिकारी यांच्या आदेशाने विशेष सभेचे आयोजन नूतन नगराध्यक्षा सुनंदा आवताडे यांच्या अध्यक्षतेखाली सभेचे आयोजन करण्यात आले आहे
स्वीकृत नगरसेवक पदासाठी जगताप व किल्लेदार यांची नावे
मंगळवेढा नगरपरिषदेची पहिली सर्वसाधारण सभा आज मंगळवारी सकाळी ११ वाजता नगरपालिकेच्या सभागृहात आयोजित करण्यात आली आहे.
उपनगराध्यक्ष व स्वीकृतच्या निवडी होणार असून महायुतीकडून माजी नगरसेवक अजित जगताप तर तीर्थक्षेत्र विकास आघाडी कडून माजी नगरसेवक अरुण किल्लेदार व माजी नगराध्यक्ष भारत नागणे यांची नावे चर्चेत आहेत.
चुरशीने झालेल्या पालिकेच्या निवडणुकीत तीर्थक्षेत्र विकास आघाडीच्या सुनंदा बबनराव आवताडे नगराध्यक्षपदी विराजमान झाल्या आहेत, उपनगराध्यक्ष पदासाठी भाजप व अजित पवार गटाचे संख्याबळ जास्त आहे.
एकूण जागेच्या दहा टक्के स्वीकृत सदस्य घेतले जातात, त्यामुळे दोन्ही गटांना समान स्वीकृत सदस्य घेण्याची संधी असल्यामुळे दोन्ही गटाकडून प्रत्येकी एक नाव जवळपास निश्चित करण्यात आले आहे. उपनगराध्यक्षपदासाठी इच्छुकांनी फिल्डींग लावली आहे.
उपनगराध्यक्ष पदासाठी चर्चेतील नावे
भाजप व राष्ट्रवादी काँग्रेस अजित पवार गटाकडे संख्याबळ जास्त असल्याने उपनगराध्यक्ष त्यांच्याकडेच राहणार आहे. उपनगराध्यक्ष पदासाठी सध्या महायुतीमधून बिनविरोध निवडून आलेले सोमनाथ आवताडे, प्रभाग क्रमांक ६ मधून शहरात सर्वाधिक मताने निवडून आलेले भाजपचे जिल्हा उपाध्यक्ष गौरीशंकर बुरकुल, प्रा.येताळा भगत व खवतोडे यांची नावे उपनगराध्यक्ष पदासाठी चर्चेत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
