भैरवनाथ शुगरचे अनिल सावंत यांनी जोपासली सामाजिक बांधिलकी; म्हैसाळ योजनेचे पाणी तळ्यामध्ये आणण्यासाठी पाईप लाइनच्या कामाकरिता स्वखर्चातून केली आर्थिक मदत

टीम मंगळवेढा टाईम्स। 

मंगळवेढा तालुक्यातील लवंगी येथे टेंभु म्हैसाळ योजनेचे पाणी लवंगी येथील तळ्यामध्ये आणण्यासाठी पाईप लाइन च्या कामाकरिता स्व खर्चातून आर्थिक मदत केली.

भैरवनाथ शुगरचे संस्थापक आरोग्य व कुटुंब कल्याण मंत्री प्रा.डॉ.तानाजीराव सावंत व भैरवनाथ शुगरचे चेअरमन प्रा.शिवाजीराव सावंत यांच्या मार्गदर्शनाखाली भैरवनाथ शुगर हा नेहमीच सामाजिक बांधिलकी जोपासत आला आहे.

त्याच बांधीलकीतून काल लवंगी येथे टेंभु म्हैसाळ योजनेचे पाणी लवंगी येथील तळ्यामध्ये आणण्यासाठी पाईप लाइनच्या कामाकरिता स्व खर्चातून आर्थिक मदत व्हा.चेअरमन अनिल सावंत यांच्या माध्यमातून केली.

यावेळी लवंगी येथील आप्पासाहेब माने (सरकार), बालगिरी गुगवाड, महेश जाधव, गुलाब शेख, गोपाल बाबर, जनरल मॅनेजर बाळासाहेब शिंदे, कृष्णदेव लोंढे, देवानंद पासले, अशोक निकम उपस्थित होते.

जयंत पाटील यांनी अनिल सावंत यांना तुतारीमधून उमेदवारी मिळण्याचे दिले संकेत?

पंढरपूर-मंगळवेढा विधानसभा मतदारसंघातून राष्ट्रवादी शरदचंद्र पवार पक्षातून इच्छुक असलेले भैरवनाथ शुगरचे व्हा.चेअरमन अनिल सावंत यांनी प्रदेशाध्यक्ष आ.जयंत पाटील यांच्या यांच्यासोबत तब्बल तीन तास प्रवास केला.

सोलापूर जिल्ह्यातील टेंभुर्णी (ता.माढा) येथे कार्यक्रमासाठी जयंत पाटील हे सोलापूर जिल्ह्यात आले होते. या प्रवासादरम्यान अनिल सावंत आणि जयंत पाटील यांनी तीन तास एकत्रित प्रवास केला.

या प्रवासादरम्यान प्रदेशाध्यक्ष जयंत पाटील यांनी अनिल सावंत यांच्यासोबत आगामी विधानसभा निवडणुका, सोलापूर जिल्ह्यातील राजकीय परिस्थिती व तसेच पंढरपूर-मंगळवेढा विधानसभा मतदार संघातील घडामोडी याविषयी अत्यंत सकारात्मक चर्चा केली असल्याची खात्रीलायक सूत्रांची माहिती आहे.

तसेच टेंभुर्णी येथील कार्यक्रम संपल्यानंतर पत्रकारांशी बोलताना जयंत पाटील यांनी अनिल सावंत हे पंढरपूर-मंगळवेढा विधानसभा मतदारसंघामधून त्यांच्या पक्षातून तुतारी या चिन्हावर लढवण्यासाठी इच्छुक असल्याच्या चर्चेला दुजोरा दिला.

आणि अनिल सावंत यांच्या उमेदवारीबाबत पक्षाचे मुख्य खा.शरद पवार, माजी उपमुख्यमंत्री विजयसिंह मोहिते पाटील, व तसेच सोलापूर जिल्ह्यातील राष्ट्रवादीच्या नेत्यांसोबत चर्चा करून निर्णय घेतला जाईल असे सांगितले.

दरम्यान अनिल सावंत यांनी याआधी शरद पवार यांची भेट घेतली होती यानंतर आता प्रदेशाध्यक्ष जयंत पाटील यांची भेट घेतली आहे. सावंत हे लवकरच राष्ट्रवादी शरदचंद्र पवार पक्षात प्रवेश करतील का याविषयी सोलापूर जिल्ह्यात मोठ्या प्रमाणावर चर्चा सुरू आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज