टीम मंगळवेढा टाईम्स।
सहकार क्षेत्रात आपल्या कार्याचा ठसा उमटवण्यासाठी सज्ज असलेल्या ‘श्रीकृपा अर्बन को-ऑपरेटिव्ह क्रेडिट सोसायटी लिमिटेड, नंदूर’ या संस्थेचा भव्य उद्घाटन समारंभ आज गुढीपाडव्याच्या शुभमुहूर्तावर आयोजित करण्यात आला आहे.
आज गुरुवार, दिनांक १९ मार्च २०२६ रोजी सकाळी ११:०० वाजता बस स्थानक चौक, नंदूर येथे हा सोहळा पार पडणार आहे.
आमदार समाधान आवताडे यांच्या हस्ते उद्घाटन
या नूतन संस्थेचे उद्घाटन मंगळवेढा-पंढरपूर विधानसभेचे लोकप्रिय आमदार समाधान (दादा) आवताडे यांच्या शुभहस्ते संपन्न होणार आहे.
या सोहळ्याच्या निमित्ताने नंदूर आणि परिसरातील सहकार चळवळीला नवी उभारी मिळणार आहे.
दिग्गजांची मांदियाळी
या कार्यक्रमास प्रमुख उपस्थिती म्हणून जिल्ह्यातील राजकीय आणि सामाजिक क्षेत्रातील अनेक दिग्गज उपस्थित राहणार आहेत.
यामध्ये: प्रदीप खांडेकर (उप. गटनेता, जिल्हा परिषद सोलापूर), दयानंद सोनगे (संचालक, दामाजी कारखाना), रमेश भांजे (जिल्हा परिषद सदस्य), सौ. सुजाता पाटील (सरपंच, बोराळे), अशोक केदार (मा.संचालक, दामाजी कारखाना) यांच्यासह परिसरातील विविध गावांचे सरपंच आणि मान्यवर उपस्थित राहून कार्यक्रमाची शोभा वाढवणार आहेत.
संस्थेचा मानस
नंदूर परिसरातील नागरिकांना आर्थिक स्थैर्य मिळवून देणे आणि पारदर्शक बँकिंग सेवा पुरवणे हे संस्थेचे मुख्य उद्दिष्ट आहे.
चेअरमन श्री.राहुल ईश्वरा जाधव, व्हा.चेअरमन श्री. उत्तम मारुती कदम आणि तज्ज्ञ संचालक श्री. प्रशांत बिराजदार यांच्या नेतृत्वाखाली ही संस्था ग्राहकांच्या सेवेसाठी सज्ज झाली आहे.
या मंगलमयी सोहळ्यास सर्व सभासद, हितचिंतक आणि नागरिकांनी मोठ्या संख्येने उपस्थित राहावे, असे आवाहन संस्थेच्या वतीने करण्यात आले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
