मंगळवेढा टाईम्स न्युज नेटवर्किंग।
मंगळवेढा तालुक्यातील गोणेवाडी येथील नामांकित ‘स्वामी विवेकानंद विद्यालय व ज्युनिअर कॉलेज’ मधून एक धक्कादायक आणि संतापजनक प्रकार समोर आला आहे. २ जुलै २०२६ रोजी पहाटेच्या सुमारास शाळेच्या मुख्य प्रवेशद्वारावरच एका इसमाने अघोरी पूजा केल्याचा प्रकार उघडकीस आला असून, या घटनेमुळे परिसरात एकच खळबळ उडाली आहे आणि विद्यार्थ्यांमध्ये भीतीचे वातावरण पसरले आहे.
पहाटे ५ वाजता नेमकं काय घडलं?
शाळेने पोलिसांत दिलेल्या तक्रार अर्जानुसार, २ जुलै रोजी पहाटे ठीक ५:०५ वाजता गोणेवाडी येथील रहिवासी असलेल्या एका इसमाने प्लॅस्टिकच्या बाटलीमध्ये मंतरलेले पाणी आणि त्यात भंडारा टाकून ते शाळेच्या मुख्य प्रवेशद्वारावर ओतले. एवढ्यावरच न थांबता त्याने कोंबड्याचे पिल्लू शाळेच्या दिशेने फेकून अघोरी कृत्य केले.
वसतिगृहातील मुलांनी पकडले रंगेहात
हा अघोरी प्रकार सुरू असताना, शाळेच्या शेजारीच राहणाऱ्या वसतिगृहातील दोन विद्यार्थ्यांनी हे सर्व स्वतःच्या डोळ्यांनी पाहिले.
या विद्यार्थ्यांनी तत्परता दाखवत तात्काळ जवळच राहणारे रहिवासी गवळी यांना याची माहिती दिली. मात्र, तोपर्यंत संबंधित इसम पूजा आटोपून गाडीवरून पसार झाला होता.
आधीही सापडले होते लिंबू; सखोल चौकशीची मागणी
या अघोरी कृत्यामुळे शाळेतील लहान मुलांमध्ये कमालीची घबराट निर्माण झाली आहे. विशेष म्हणजे, यापूर्वीही शाळेच्या परिसरात अनेक वेळा पूजा केलेले लिंबू आढळून आले होते, असेही अर्जदारांनी म्हटले आहे.
पोलीस ठाण्यात तक्रार दाखल
या गंभीर प्रकाराची दखल घेत स्वामी विवेकानंद विद्यालयाच्या मुख्याध्यापकांनी मंगळवेढा पोलीस स्टेशन गाठून आरोपीविरुद्ध लेखी तक्रार दाखल केली आहे.
पोलिसांनी या अर्जाची नोंद घेतली असून, या विकृत प्रवृत्तीच्या इसमाची सखोल चौकशी करून त्यावर कडक कायदेशीर कारवाई करावी, अशी मागणी मुख्याध्यापक आणि पालकांकडून केली जात आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
