टीम मंगळवेढा टाईम्स ।
राष्ट्रवादी काँग्रेस पक्षाचे सर्व्हेसर्वा शरद पवार यांना प्रकृती अस्वास्थ्यामुळे ब्रीच कॅन्डी रुग्णालयात दाखल करण्यात आले आहे. त्यामुळे कार्यकर्ते रुग्णालयाच्या परिसरात जमण्याची शक्यता आहे.
हे लक्षात घेऊन पक्षाचे सरचिटणीस शिवाजीराव गर्जे यांनी एक पत्रक जारी करत कार्यकर्त्यांना गर्दी न करण्याचे आवाहन केले आहे.
तसेच शरद पवार हे शिर्डी येथे पक्षाच्या कार्यक्रमात सहभागी होतील असे स्पष्ट केले आहे.
‘शरद पवार यांची प्रकृती ठिक नसल्यामुळे डॉक्टरांच्या सल्ल्यानुसार ते ब्रीच कॅन्डी रुग्णालयात पुढील तीन दिवस उपचार घेणार आहेत.
दि.2 नोव्हेंबर 2022 रोजी सायंकाळी त्यांना डिस्चार्ज मिळेल व ते 3 नोव्हेंबर 2022 रोजी शिर्डी येथे येणार असून पक्षाच्या 4 व 5 नोव्हेंबर 2022 रोजी होणाऱ्या दोन दिवसीय शिबिरासाठी उपस्थित राहून सर्वाना मार्गदर्शन करणार आहेत.
पदाधिकारी व कार्यकर्त्यांनी रुग्णालयाच्या आवारामध्ये गर्दी करू नये’, असे आवाहन करण्यात येत आहे, असे आवाहन राष्ट्रवादी काँग्रेस पक्षाचे महाराष्ट्र प्रदेश सरचिटणीस शिवाजीराव गर्जे यांनी केले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
