टीम मंगळवेढा टाईम्स ।
मंगळवेढा येथील वास्तूशांती कार्यक्रमप्रसंगी 35 लाख 26 हजार रुपये किमतीचे 859 ग्रॅम सोने चांदीचे दागिने चोरून नेल्याप्रकरणी सर्वेश्‍वर दामू शेजाळ (वय 35 रा.गोणेवाडी) या पोलिस बंधूस पोलिसांनी अटक करून मंगळवेढा न्यायालयात उभे केले असता न्यायालयाने तीन दिवसाची पोलिस कोठडी सुनावली आहे.
या घटनेची हकिकत अशी की,10 जानेवारी रोजी मंगळवेढा येथील उद्योजक संजय आवताडे यांच्या घराच्या वास्तूशांतीचा कार्यक्रम होता.या कार्यक्रमाला विनायक माधवराव यादव(रा.मारापूर) हे आले होते.
त्यांच्याजवळ असलेल्या बॅगेत 859 ग्रॅम वजनाचे सोन्या चांदीचे दागिने होते. सदर व्यक्तीने विश्‍वासाने बॅग ठेवून खाली हॉलमध्ये गेले होते.यावेळी आरोपी सर्वेश्‍वर शेजाळ याने ती बॅग घेवून पोबारा केला होता.
या घटनेनंतर पोलिसात चोरीची तक्रार दाखल केली होती. तदनंतर या तपासाचा छडा सोलापूर येथील स्थानिक गुन्हे शाखेच्या पोलिसांनी लावून आरोपीस अटक केले.
या दरम्यान गुन्हे शाखेच्या पोलिसांनी लहान मुलीने खोलीत केलेल्या व्हिडीओ रेकॉर्डवरून आरोपीपर्यंत पोहोचण्यास मदत झाली.या रेकॉर्डींगमध्ये निळया रंगाचा शर्ट परिधान केलेली एक व्यक्ती तेथे उभी असलेली दिसून आली.त्याच्याकडे पाहिले असता घटनास्थळावरून पळ काढल्याने संशय बळावला व त्याला पाठलाग करून ताब्यात घेण्यात आले.
दरम्यान, हा रेकॉर्डवरील गुन्हेगार आहे. त्यामुळे पोलिस कोठडी देण्यात यावी अशी मागणी पोलिस निरिक्षक जोतीराम गुंजवटे यांनी केल्यानंतर सोमवार दि. 25 पर्यंत पोलिस कोठडी सुनावली.
आरोपीने आत्तापर्यंत मुंंबई गोरेगाव येथे चोरी प्रकरण,सांगोला येथे दारू प्रकरण, मंगळवेढा येथे वाळूचे गुन्हे असे अनेक गुन्हे त्याच्यावर असल्याचे पोलिसांनी सांगितले.
प्रथमतः एक दिवसाची पोलिस कोठडी देण्यात आली होती. ती संपल्यानंतर शुक्रवारी पुन्हा न्यायालयात उभे केले असता वाढीव तीन दिवसाची पोलिस कोठडी मिळाली.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
