टीम मंगळवेढा टाईम्स ।
क्षमतेपेक्षा जास्त उसाची वाहतूक करणाऱ्या ट्रॅक्टर, ट्रक अशा २२ वाहनांवर उपप्रादेशिक परिवहन कार्यालयाच्या वतीने कारवाई करत त्यांना तीन लाख वीस हजार रुपयांचा दंड आकारण्यात आला आहे.
ही कारवाई मंगळवेढा-पंढरपूर रस्त्यावर करण्यात आल्याची माहिती परिवहन उपप्रादेशिक कार्यालयातील अधिकारी महेश रायबान यांनी दिली.
सध्या सोलापूर जिल्ह्यामध्ये ऊस दरावरून विविध शेतकरी संघटनांनी आंदोलन पुकारले आहे. त्याच अनुषंगाने सोलापूर जिल्हा ऊस दर संघर्ष समिती
शेतकरी संघटनांनी सोलापूर आरटीओ कार्यालयास निवेदन देऊन ओव्हरलोड ऊस वाहतूक करणाऱ्या ट्रॅक्टर ट्रेलर व ट्रक तसेच इतर वाहनांवर कडक कारवाई करण्याची मागणी केलेली होती.
त्या अनुषंगाने उपप्रादेशिक परिवहन कार्यालयाने सदर वाहनांवर कारवाई केली.
ही कारवाई करण्याबाबत उपप्रादेशिक कार्यालयाने अधिकारी किरण गोंधळे , संजीव वाडीकर , महेश रायबान , मयूर जाधव , अधिका खरात , हर्षदा ढेकळे , वाहनचालक महाडिक,
राकेश कांबळे, सहा.वाहतूक निरीक्षक प्रशांत वनवे यांना आदेशीत केले होते. त्यास अनुसरून २२ दोषी वाहनांवर कारवाई करण्यात आली असून,
तीन लाख वीस हजार इतका दंड आकारण्यात आलेला आहे. यापुढेही ही कारवाई अशीच चालू राहील.
सर्व ऊस वाहतूक करणाऱ्या चालक, मालक यांनी आरटीओ कार्यालयाने दिलेल्या नियमानुसार व क्षमतेनुसारच वाहतूक करावी;
अन्यथा कारवाई करण्यात येईल, असा इशारा उपप्रादेशिक परिवहन कार्यालयाच्या वतीने वाहनधारकांना देण्यात आला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
