टीम मंगळवेढा टाईम्स ।
पंतप्रधान नरेंद्र मोदी थोड्याच वेळात देशवासियांना संबोधित करणार आहेत. सकाळी 10 वाजता नरेंद्र मोदी देशवासियांशी संवाद साधणार असून नेमकी कोणती घोषणा करणार? याकडे सर्वांचे लक्ष लागून राहिले आहे.
पंतप्रधान नरेंद्र मोदी हे नेमकं कोणत्या विषयावर भाष्य करणार आहेत याबाबत माहिती समोर आलेली नाहीये.
मात्र, नुकताच भारताने 100 कोटींच्या लसीकरणाचा टप्पा ओलांडला आहे आणि ही मोहिम अद्यापही सुरू आहे.
याबाबत पंतप्रधान नरेंद्र मोदी हे भाष्य करुन वैद्यकीय यंत्रणांची पाठ थोपवण्याची शक्यता असून जनतेचेही कौतुक करणार असल्याचं बोललं जात आहे.
भारतानं ओलांडला 100 कोटी लसीकरणाचा टप्पा भारतातील कोरोना लसीकऱणाचा आकडा 100 कोटींच्या पार पोहोचला आहे.
लसीकरणाला सुरुवात झाल्यानंतर केवळ 279 दिवसांत हा विक्रम घडला आहे. भारतात दहा महिन्यांपूर्वी 16 जानेवारी 2021 या दिवशी लसीकरणाला सुरुवात झाली होती. त्यानंतर भारतानं हा विक्रम पूर्ण केला आहे.(स्रोत:News 18 लोकमत)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
